MAHALLA HAYOTIDAGI UNUTILMAS SANA ISTIQLOL BAYRAMI TADBIRI BILAN HAMOHANGLIKDA O’TKAZILDI
2024-08-08 16:41:34 81
Mahalla hayotidagi unutilmas sana istiqlol bayrami tadbiri bilan hamohanglikda o’tkazildi
Tumanimizning 1-sektori hududida joylashgan Tul va Sohibkor mahalla fuqarolar yig’ini bugun bayramlar og’o’shida. Mahallada saxovatpesha insonlar tashabbusi bilan 2 kilometrdan ziyod bo’lgan yo’llarga asfalt qoplamasi yotqizildi.
Tuman hokimi, tuman hokimi o’rinbosarlari, sektorlar rahbarlari va mahallaning nuroniy otaxonlari ishtirokida yangilangan ko’chaning ramziy lentasi qirqildi. Istiqlolimizning 33-yilligiga bag’ishlangan “Bir bo’lsak - yagona xalqmiz, birlashsak - Vatanmiz!” shoiri ostida o’tkazilgan “Ma'rifatli oila” nomli bayram tadbiri mana shu unutilmas tarixiy sana bilan hamohanglikda o’tkazildi.
Tadbirda so’z olgan tuman hokimi Sayidbahrom Sayidmusayev barcha mahalla ahliga hamohanglik va o’rnak ko’rsatganliklari uchun minnatdorchilik izhor etdi va barchani bayram bilan tabrikladi. Mazkur tadbirda so’z olgan So’x tumani birinchi hokimi Bahodirjon Obidjonov va tuman yo’lsozlik idorasi sobiq rahbari Habibjon Mirzoyevlar ham samimiy izhorlar bilan mahalla ahlini tabriklashdi.
Tadbir davomida saxovat namunasini ko’rsatgan mahalla fuqarolari va mahalla obodonchiligida ibrat bo’lgan oilalar vakillariga tashakkurnomalar va esdalik sovg’alari taqdim etildi. Tadbir samimiy o’yin-kulgu, chiroyli raqs va diltorlar navolar hamohangligida kechgacha davom etdi.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
