SO’X TUMANIDA HAM “YANGI O’ZBEKISTON YOSHLARI, BIRLASHAYLIK!” SHIORI OSTIDA GALA-KONTSERT O’TKAZILDI

<<	Dekabr 2024					>>
DU	SE	CH	PA	JU	SH	YA
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

Hozir saytda 184 nafar foydalanuvchi Ishonch telefoni statistikasi

SO’X TUMANIDA HAM “YANGI O’ZBEKISTON YOSHLARI, BIRLASHAYLIK!” SHIORI OSTIDA GALA-KONTSERT O’TKAZILDI

2024-06-24 17:41:09 161

PDF yuklash

Chop etish

So’x tumanida ham “Yangi O’zbekiston yoshlari, birlashaylik!” shiori ostida gala-kontsert o’tkazildi

30 iyun – Yoshlar kuniga bag’ishlab Respublikamiz bo’ylab “Yangi O’zbekiston yoshlari, birlashaylik!” shiori ostida tantanali tadbirlar o’tkazilmoqda. Tuman markaziy o’yingohida bo’lib o’tgan mazkur tadbirga tashrif buyurgan so’xlik yoshlarning qalbida o’tkazilgan gala-kontsert taassurotlari umuman o’chmaydi desak, aslo mubolag’a qilmagan bo’lamiz.

Zamon bilan hamnafas borayotgan O’zbekiston yoshlarini birlashtiradigan bunday tadbirlar o’zining betakrorligi bilan ham ahamiyatlidir. Vizual tarzda, o’zgacha bezatilgan markaziy o’yingohdagi sahanadan Respublikamizdan tashrif buyurgan, viloyatimizdan, Qirg’iziston respublikasidan kelgan san'at ustalari va mahalliy san'atkorlar o’z qo’shiqlari bilan barcha yoshlarni o’yin-kulgu va raqsga chorladilar.

Tadbirda tumanda o’tkazilgan futbol va mini-futbol musobaqalari g’olib va sovrindorlariga, jahon arenalarida Vatan sharafini himoya qilgan so’xlik yosh sportchilarga O’zbekiston yoshlar ishlari Agentligi Farg’ona vailoyati bo’limi vakillari, tuman hokimi va tuman sektorlari rahbarlari tomonidan diplom va qimmatbaho sovg’alar taqdim etildi.

Xulosa, unutilmas lahzalarga boy o’tgan “Yoshlar kuni” gala-kontserti So’x yoshlarini bir maqsad yo’lida birlashishga, Vatanni sevish va unga munosiblik hissida yashashga undadi.

So’x tumani hokimligi Axborot xizmati