1. Bosh sahifa
2. Yangiliklar

MO’NIS ONAXONGA EHTIROM KO’RSATILDI

×

Mo’nis onaxonga ehtirom ko’rsatildi

Ona! Bu muqaddas nom oldida barcha madhiyalar hech narsa emas, barcha baland parvoz maqtovlar farzandlar muhabbati va minnatdorchiligi oldida puch va arzimasdir.

Qarilik gashtini surayotgan, Obishir mahallasida yashovchi onaxon – Nodiraxon-aya Mirsharipovani juda yaxshi taniyman. Rosti, havasim keladi... O’zlariga, farzandlariga, nevaralariga...

Yaxshi insonlar har doim ardoqda, e'zozda bo’lishlarini hammamiz yaxshi bilamiz. Birigina e'tibor bunday insonlarni juda quvontiradi. Mana shunday quvonchni bugun man Nodiraxon-ayaning ko’zlarida ko’rdim. Aslida, bunday insonlar boshqalar muvaffaqiyatidan ham mana shunday samimiy quvonishadi, xursand bo’lishadi...

Bugun Nodiraxon-aya Mirsharipovaga Farg’ona viloyati hokimining tashakkurnomasi va esdalik sovg’alari topshirildi. Sovg’alarni aya tuman hokimi va tuman sektorlari rahbarlari qo’lidan qabul qilib oldilar.

Xursandchiligingizga hamrohmiz, mo’nis onaxon! Yuzga kiring. Mana shunday quvonchi lahzalar doimiy hamrohingiz bo’lsin! Farzandlar kamolini ko’rish barchaga ham nasib etsin!

                  So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram