1. Bosh sahifa
2. Yangiliklar

SO’XLIK VATANDOSHLARIMIZ HAJ SAFARIGA JO’NAB KETISHDI

×

So’xlik vatandoshlarimiz haj safariga jo’nab ketishdi

Islom dinidagi farzlardan biri haj safarini ado etish amali hisoblanadi. Minglab vatandoshlarimiz qatori bugun So’x tumani fuqarolari ham yaratib berilgan sharoitlar bois muborak haj safariga jo’nab ketishdi.

So’x tumanining barcha 27 ta mahalla fuqarolar yig’inlaridan tavsiya etilgan fuqarolar bilan safar oldidan tuman markazidagi “Inoyatulloh” jome masjidiida uchrashuv tashkil etildi. Tashkil etilgan mazkur tadbirda ishtirok etgan tuman hokimi Sayidbahrom Sayidmusayev barcha nomzodlarni tabriklab, haj ziyoratini o’rnatilgan tartib-qoidalarga mos ravishda ado etib Vatanga eson-omon qaytib kelishlarini tiladi.

Tadbirdan so’ng barcha ziyoratchilarni tuman hokimligi, ularning oila a'zolari kuzatishdi. Tashkil etilgan avtobuslar orqali bu yilgi haj ziyorati baxtiga musharraf bo’lgan vatandoshlarimiz viloyatimiz markazi tomon yo’l oldilar.

So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram