1. Bosh sahifa
2. Yangiliklar

OFTOBRU MAHALLASINING YANGI ZIYORATGOHI FOYDALANISHGA TOPSHIRILDI

×

Oftobru mahallasining yangi ziyoratgohi foydalanishga topshirildi

Xabaringiz bor, Oftobru mahalla fuqarolar yig’inida hashar yo’li bilan mahalla ziyoratgohi tashkil etildi va mazkur ziyoratgoh qurilishida va barpo etilishida mahallaning barcha fuqarolari faollik bilan qatnashdi. Mahalla yangi tashkil etilganligi bois, mazkur ziyoratgoh tarkibida qabriston ham barpo etildi.

Ziyoratgohning taqdimot marosimida mahalla fuqarolari, keng jamoatchilik, Oftobru mahalla fuqarolar yig’ini yoshlari va nuroniylar ishtirok etishdi. Tadbir avvalida tuman sektorlari rahbarlari ziyoratgoh hovlisiga manzarali daraxtlar ko’chatlarini o’tqazishdi.   

Yangi ziyoratgohning foydalanishga topshirish arafasida ishtirok etgan tuman hokimi Sayidbahrom Sayidmusayev mahalla ahlining yakdilligi va birdamligi haqida gapirib, bunday xaryli ishlarni muntazam davom ettirish lozimligini qayd etib o’tdi. Qurilish ishlari sarkori Nurmuhammad Ahmedov ham hasharda faol ishtirok etgan mahalla ahliga samimiy minnatdorchilik bildirdi.

Bir piyola choy ustida tashkil etilgan tadbirda mazkur xayrli ish tashabbuskorlari sha'niga duolar qilindi. Hashar va qurilish ishlarida faol ishtirok etgan barcha fuqarolarga esdalik va qimmatbaho sovg’alar taqdim etildi.

                  So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram