QAL'ACHA MAHALLASINING JAVPAYA MASSIVIDA KURKA PARVARISHI YO’LGA QO’YILMOQDA
2024-03-27 16:04:38 92
Qal'acha mahallasining Javpaya massivida kurka parvarishi yo’lga qo’yilmoqda
Ayni kunda tumanimizning Qal'acha mahallasidagi Javpaya massivida bahorgi yumushlar – ekin ekish, turli daraxtlar ko’chati o’tqazish ishlari fuqarolarimiz tomonidan izchil amalga oshirilmoqda. Mazkur mavzeda bo’lgan tuman hokimi Sayidbahrom Sayidmusayev olib borilayotgan ishlarni ko’zdan kechirdi.
Issiqxonalar hududiga yangi ko’chatlar o’tqazish ishlari tuman hokimi ishtirokida davom ettirildi. Bo’sh turgan issiqxonalarga kartoshka ekish ishlari amalga oshirilmoqda.
Mazkur hududda parrandachilikni rivojlantirish yuzsidan ham ishlar olib borilayotir. Tuman hokimi tashabbusi bilan bu yerda kurka parvarishi yo’lga qo’ildi. Parrandalar uchun maxsus katak qurlishi ham davom etyapti. Ayni damda olib kelingan parrandalar tajriba sifatida biriktirilgan fuqarolar tomonidan parvarishlanmoqda.
Qishloq xo’jaligida olib borilayotgan ishlar ijarachilar bilan bo’lib o’tgan suhbatda tahlil etildi. Mahalla ahli bilan suhbat chog’ida aholini qiynayotgan muammolar o’rganildi.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
