1. Bosh sahifa
2. Yangiliklar

BAYRAM SHUKUHI DAVOM ETMOQDA

×

Bayram shukuhi davom etmoqda

Tumanimiz uzra onajonlarimiz bayrami shukuhi o’zgacha tarovat va shukuh bilan davom etmoqda. Hududlarda yashayotgan mehnat faxriylari, nuroniy onaxonlar holidan xabar olinib, ularga bayram sovg’alari ulashilmoqda.

Sebzor mahalla fuqarolar yig’inida bo’lib o’tgan onaxonlar bayrami tadbiri ham barcha ishtirokchilar ko’nglida katta taassurot qoldirdi. Tadbirda yangragan ko’y-qo’shiqlar va tadbir katnashchilariga taqdim etilgan sovg’alar bayram shukuhiga o’zgacha ulug’vorlik hadya etdi.

Tuman hokimi Sayidbahrom Sayidmusayev shaxsan 1-sektor mahallalarida bo’lib, barcha onaxonlarni tabriklab, tashrif buyurgan xonadonlarning bekalariga sovg’alar taqdim etdi. Tashrifdan mamnun onaxonlar albatta qo’llarini duoga ochishdi.

So’x tumani mahalla bo’limi boshlig’i Qosimjon Haydarov tashabbusi bilan ham bir guruh onaxonlar holidan xabar olindi, ularga bayram sovg’alari o’zgacha izzat bilan topshirildi. Albatta, onajonlarni ulug’lash va ularga ko’rsatilayotgan e'tibor har bir insonning ko’nglida hayotga bo’lgan shavq va zavqni yanada jo’shqinlantiradi.

Bayram tadbirlariga yoshlar yetakchilari ham o’zlarining hissalarini qo’shishmoqda. Devayron mahalla fuqarolar yig’ini yoshlar yetakchisi Adhambek Nishonov ham bayram kunlari mahallada istiqomat qiluvchi onaxonlar ko’nglini o’z sovg’alari bilan xushnud etdi.

                  So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram