SHARQOBODLIKLAR ISHTIROKIDA JINOYATCHILIKKA QARSHI KURASH VA UNI OLDINI OLISHGA DOIR UCHRASHUV TASHKIL ETILDI
2024-03-06 16:50:05 205
Sharqobodliklar ishtirokida jinoyatchilikka qarshi kurash va uni oldini olishga doir uchrashuv tashkil etildi
Bugun Sharqobod mahalla fuqarolar yig’inidagi 23-sonli umumiy o’rta ta'lim maktabida hududlarda jinoyatchilikni oldini olish va unga qarshi kurashish masalasida mahalla ahli bilan uchrashuv tashkil etildi. Ochiq muloqt tarzida tashkil etilgan tadbirda tuman hokimi Sayidbahrom Saydmusayev, tuman ichki ishlar bo’limi boshlig’i Qosimjon Rahimberdiyev va tuman davlat soliq inspektsiyasi boshlig’i Faridjon To’raboyevlar ishtirok etishdi.
Mahalla ahli, nuroniylar, yoshlar va korxona-tashkilot, muassasalar rahbarlari va mutasaddilari qatnashgan mazkur tadbirda 3-sektor hududi, ayniqsa, mazkur mahallada ushbu yo’nalishda olib borilayotgan ishlar tahlil qilinib, jinoyatchilikning ko’rsatgichi va uning dinamikasi muhokama etildi. Bu haqda tuman sektorlari rahbarlari tadbir ishtirokchilariga ma'lumotlar yetkazdilar.
Tadbir jarayonida mahallada qilingan qurilish-ta'mirlash va obodonlashtirish ishlari ham sarhisob qilindi. Turli masalalarda murojaat etgan fuqarolarga munosabat bildirildi.
Aytish lozimki, mazkur mahalla hududida ham davlatimiz rahbari e'tibori asosida va qabul qilingan dasturlar orqali keng ko’lamli ishlar amalga oshirildi. Ushbu ezgu ish va amallar bu yili ham davom ettirilishi tadbir davomida alohida ta'kidlandi.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
