SOHIBKORDA BAHOR NAFASI!
2024-02-26 15:25:20 171
Sohibkorda bahor nafasi!
Qishning oxirgi kunlari ayniqsa, bizning tumanimizda seryog’in, qorli bo’lgani barchani birdek quvontirdi. Bu faslning o’tgan ikki oyida kuzatilmagan qor fevral oyining oxirgi kunlarida qish haligacha o’z hukmida ekanligini tasdiqladi.
Biroq, tumanimizning 1-sektori hududidagi fuqarolarimizni bahorgi kayfiyat allaqachon qamrab olgan. Tul, Sohibkor, Qal'acha va G’aznov mahallalari aholisi xashar orqali hududlardagi ariqlarni tozalashgan bo’lishsa, ushbu hudud onaxonlari bahorning birinchi taomi – sumalak pishirishga bel bog’lashdi.
Bugun Sohibkor mahallasida istiqomat qiladigan bir guruh onaxonlar mahalla guzariga doshqozonlar solib, sumalak pishirishga astoydil kirishishdi va sohibkorlik onaxonlar mehmoni bo’lgan tuman hokimi Sayidbahrom Sayidmusayev va tuman hokimi birinchi o’rinborsari Ilhomjon Tojiboyevlar onaxonlar ularga ko’mak berib, duolarini olishga muvaffaq bo’lishdi. Aslida bahor ushbu hududga tuman markaziga nisbatan ancha avval kirib keladi va ushbu yumushlar halqimizning bahorgi kayfiyatidan nishona ekanligidan dalolatdir.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
