1. Bosh sahifa
2. Yangiliklar

SO’X TUMANIDA “YANGI HAYOT UCHUN, YANGI O’ZBEKISTON UCHUN!” SHIORI OSTIDAGI TADBIRLAR UYUSHQOQLIK BILAN O’TKAZILMOQDA

×

So’x tumanida “Yangi hayot uchun, yangi O’zbekiston uchun!” shiori ostidagi tadbirlar uyushqoqlik bilan o’tkazilmoqda

Ayni kunlarda So’x tumanidagi barcha mahallalarida “Yangi hayot uchun, yangi O’zbekiston uchun!” shiori ostida “Mahallada duv-duv gap” madaniy-ma'rifiy tadbirlar o’tkazilmoqda.

Ana shunday tadbirlardan biri tumanning 4-sektori hududidagi So’x va Mulgon mahalla fuqarolar yig’inida istiqomat qiladigan fuqarolar uchun tashkil etildi. 7-sonli umumiy o’rta ta'lim maktabida bo’lib o’tgan mazkur tadbirda tuman hokimligi, mahalla ahli, yoshlar va keng jamoatchilik vakillari ishtirok etdilar.

Tadbirda Prezidentimiz raisligida o’tkazilgan Respublika Ma'naviyat va ma'rifat kengashida belgilab berilgan asosiy va muhim vazifalar aholiga sodda tilda tushuntirildi.

Tadbirda so’z olganlar Respublikamiz miqyosida, ayniqsa, So’x tumanida amalga oshirilayotgan ulkan bunyodkorlik ishlari bevosita davlatimiz rahbari va Respublika hukumati e'tibori asosida bo’layotgani va albatta, bu ishlarga xayrixohlik bilan javob berish lozimligini alohida ta'kidladilar.

                  So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram