SO’XLIK TALABA ASOSIY FAN OLIMPIADASI RESPUBLIKA BOSQICHI ISHTIROKCHISI!
2023-12-06 15:44:50 945
So’xlik talaba asosiy fan olimpiadasi Respublika bosqichi ishtirokchisi!
Ta'lim sohasiga berilayotgan e'tibor zamirida o’sib kelayotgan barkamol avlod kelajagiga bo’lgan e'tibor mujassam. Maktablarda tahsil olayotgan o’quvchilar orasida turli ko’rik-tanlovlarni tashkil etish va shuning barobarida ularni munosib rag’batlantirish ularda ilm izlash yo’lidagi ishtiyoqni yanada kuchaytiradi.
Ayni kunlarda Respublikamiz miqyosida maktab o’quvchilari bilimlarini sinovdan o’tkazish maqsadida asosiy fan olimpiadalarining viloyat bosqichi o’tkazilib, ushbu tanlov natijalari eng bilimli va fa'ol talabalarni saralab olishga omil bo’lmoqda. Farg’ona viloyati bosqichida bo’lib o’tgan mazkur bilimlar sinovida So’x tumani o’quvchilari ham qatnashib, sovrinli o’rinlarni olganliklari barchamizni birdek quvontirdi.
Tojik tili va adabiyoti fanidan tumandagi 28-sonli umumiy o’rta ta'lim maktabi o’quvchilari eng fa'ol deb topilib, bir nafar bilimdon o’quvchimiz Respublika bosqichiga yo’llanma olgani ma'lum bo’ldi. Shodiyona Sobirjonova, Ziyoratxon Qodirjonova va Farishtamoh Hasanjonovalar mazkur bilimlar tanlovida qatnashib, g’oliblikni qo’lga kiritdilar.
11-sinf o’quvchisi Shodiyona Sobirjonova uchinchi marta ushbu sinovda qantashib, g’olib bo’ldi va mazkur qizimiz endilikda Respublika miqyosida tumanimiz va viloyatimiz sharafini himoya qiladi. G’oliblarga esdalik sovg’alar bilan bir qatorda bir martalik pul mukofoti uchun sertifikatlar ham taqdim etildi.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
