1. Bosh sahifa
2. Yangiliklar

XALQARO NOGIRONLAR KUNI SO’X TUMANIDA KENG NISHONLANDI

×

XALQARO NOGIRONLAR KUNI SO’X TUMANIDA KENG NIShONLANDI

Tumanimizning "Sohil" dam olish maskanida 3 dekabr – "Xalqaro nogironlar kuni”ga bag’ishlab tadbir o’tkazildi. Tadbirda tuman hokimi, hokim o’rinbosarlari, tuman sektorlari rahbarlari, keng jamoatchilik, mahallalardan tashrif buyurgan ijtimoiy ko’makka mo’htoj oilalar a'zolari ishtirok etishdi.

Tadbirda tuman hokimi Sayidbahrom Sayidmusayev va boshqa mutasaddilar so’z olib, bugungi kunda Prezidentimiz tomonidan ijtimoiy ko’makka mo’htoj oilalarga, nogironlarga berilayotgan e'tibor haqida gapirib, qilinayotgan barcha ishlar inson manfaatini ko’zlab amalga oshirilayotganligi bilan ham ahamiyatli ekanligini qayd etib o’tdi.

Tadbir davomida mahallalardan tashrif buyurgan 100 nafarga yaqin jismoniy imkoniyati cheklangan fuqarolarga tuman hokimligi, mahalla va oilani qo’llab-quvvatlash bo’limi, "Mahalla" xayriya jamoat fondi va homiy tashkilotlarning esdalik va qimmatbaho sovg’alari taqdim etildi.

Bir piyola choy ustida tashkil etilgan tadbir san'atkorlarning diltortar navolari va ishtirokchilarning xursandchiligi bilan yanada fayzli o’tdi.

So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram