HUDUDLARDA “YASHIL MAKON” UMUMIMILLIY LOYIHASI DOIRASIDA MEVALI VA MANZARALI DARAXTLAR KO’CHATLARI O’TQAZILMOQDA
2023-11-21 14:28:12 286
Hududlarda “Yashil makon” umumimilliy loyihasi doirasida mevali va manzarali daraxtlar ko’chatlari o’tqazilmoqda
“Daraxt ekib, bog’ yaratgan insonga Yaratganning rahmati yog’iladi”, degan gap bor xalqimizda. Yurtimiz bo’ylab davom etayotgan “Yashil makon” umumimilliy loyihasi banday ezgu va savobli amallarga turki bo’layotir.
Tumanimizning barcha hududlarida mazkur aktsiya doirasida amaliy ishlar qilinmoqda. YEtti yoshdan yetmish yoshgacha bo’lgan fuqarolarimiz yangi mevali va manzarali daraxtlar ko’chatlarini ekib, yangi yashil ekohududlar barpo etishayotir va bu xayrli ishlarga barcha birdek hissa qo’shmoqda.
Sohibkor mahalla fuqarolar yig’inida obodonlashtirish ishlari va "Yashil makon" umumimilliy loyihasi doirasida mahallaning nuroniylari va yoshlari ishtirokida yangi bog’lar yaratilmoqda. - "Yaxshidan bog’ qolar",-deganlaridek ota bobolarimizning duolari ostida ekilayotgan daraxt ko’chatlari yoshlarimizda ibrat, milliy an'analarimizga hurmat-izzat tuyg’ularini shakllantirmoqda, - deydi mahalla raisi Habibjon Olimov.
24-sonli umumiy o’rta ta'lim maktabida tuman maktabgacha va maktab ta'limi bo’limi mudiri, mahalla nuroniylari, yoshlar va maktab pedgogik jamoasi birgalikda yangi daraxtlar ko’chatlarini o’tqazishdi. Yoshlarga namuna sifatida nuroynilar tomonidan ekilgan har bir niholga ularning ism-shariflari yozib qo’yildi.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
