KEKSA-NURONIY OTAXON VA ONAXONLAR HOLIDAN XABAR OLINDI
![](https://soh.uz/uploads/bot/d826b6d1f8e7971d06430.jpg)
2023-10-11 16:46:11 892
![](https://telegra.ph/file/d826b6d1f8e7971d06430.jpg)
Keksa-nuroniy otaxon va onaxonlar holidan xabar olindi
Insonlarni qadrlash, ehtiyojmand oilalar xolidan xabar olish, muhtojlarni har tomonlama qo’llab-quvvatlash xalqimizga xos fazilatlardan biridir. Mana shu xislatlar orqali o’rtamizdagi mehr-oqibat rishtalari yanada mustahkam.
“Keksalar haftaligi” doirasida tuman “Nuroniy” jamg’armasi hamda Respublika ma'naviyat va ma'rifat markazi tuman bo’limi hamkorligida tumanimizdagi mahallalarda xayrli tashabbus amalga oshirildi. Homiylar ko’magida sovg’a-salomlar olinib, haftalik doirasida hamkor tashkilotlar vakillari nuroniy otaxon va onaxonlar xonadonlarida bo’ldilar.
Yangiariq, Chumoqcha, Tariq mahalladagi oilalar, keksa-nuroniylar, betob va nogironligi bo’lgan insonlar holidan xabar olinib, ularga birlamchi oziq-ovqat mahsulotlari va esdalik sovg’alari tarqatildi. Tashrifdan cheksiz xursand bo’lgan nuroniylarimiz samimiy so’zlar bilan duolar qilishdi.
- Ushbu ezgu amallar va xayriya tadbirlarini muntazam davom ettirmoqchimiz. Tumanimizdagi keksa nuroniylar xonadonilariga birma-bir borib, ularning holidan xabar olishdek ezgu niyatni o’zimizga reja qilib olganmiz, - deydi tuman “Nuroniy” jamg’armasi boshlig’i Farhodjon Mastonov.
So’x tumani hokimligi Axborot xizmati
![](https://telegra.ph/file/acc3a9a34c2f1a01225dc.jpg)
![](https://telegra.ph/file/2332620b9794490a457fb.jpg)
![](https://telegra.ph/file/a0ff42318a2e3d7946e13.jpg)
![](https://telegra.ph/file/193913a73aa720c50c724.jpg)
![](https://telegra.ph/file/62b3a6718fbc4e8de0d81.jpg)
![](https://telegra.ph/file/e3ef45c1f78780c9b8434.jpg)
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram