1. Bosh sahifa
2. Yangiliklar

JARAYON

×

JARAYoN

Hududlar infratuzilmasini rivojlantirish va aholiga munosib turmush sharoiti yaratib berish bugungi kunning asosiy va muhim masalalalaridan biri hisoblanadi. Eng chekka qishloqlarda ham bugun dolzarb bo’lib turgan muammo va kamchiliklarning bartaraf etilayotgani fuqarolarimiz manfaati barcha narsadan ustun ekanligining dalolatidir.

Ayni kunda viloyatimizning eng chekka va anklav tumani – So’xda ushbu yo’nalishda arzirli ishlar amalga oshirilmoqda. Turli loyihalar va davlat dasturlari tufayli bugun tumandagi eng chekka qishloqlar ham o’zgacha chiroy va siymi kasb etayotir.

Mustaqillikning oldingi yillari tekis va ravon yo’llar, elektr manbasining barqaror ishlashi kabi masalalar bizning xalq uchun orzuga aylanib qolgan edi. Bugun mana shunday azaliy orzular ushalmoqda.

Tumanimizning chekka hududi – Qaqir mahalla fuqarolar yig’inida ham bugun xalqning mana shunday azaliy orzularidan biri amalga oshirilmoqda. Mahallaning barcha ko’chalari, hatto ichki yo’llari ham asfaltlashtirilmoqda.

Eng muhimi, asfalt mahsuloti tumanning o’zida ishlab chiqarilmoqda. So’x tumani yo’llardan foydalanish boshqarmasi yo’l bo’limi boshlig’i Zafarjon Mirzoyevning ma'lumotiga ko’ra, tuman yo’lsozlari o’tayotgan yilning shu davriga qadar tumandagi salkam 30 kilometr yo’llariga asfalt qoplamasi yotqizishdi.

Ta'kidlaganidek, mazkur mahallada salkam 9 kilometr yo’llar asfaltlashtiriladi. Ushbu ezgu maqsadga davlatimiz byudjetidan ikki yarim milliard so’mdan ortiqroq mablag’ yo’naltirildi.

Bugun erta Qaqir mahallasidagi barcha yo’llarning ta'mirlanishi oxiriga yetkaziladi. Yo’lsozlarimiz ushbu ezgu amallarini tumanimizning boshqa mahallalarida davom ettiradilar.

So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram