SO’XLIK YOSH KARATECHI – JAHON CHEMPIONI!
2023-09-11 18:49:21 153
So’xlik yosh karatechi – jahon chempioni!
Respublikamiz poytaxti – Toshkent shahrida 8-10 sentyabr kunlari sportning shotakan karate-do bo’yicha jahon chempionati bo’lib o’tdi. Jahon karatechilarini birlashtirgan ushbu musobaqalarda So’x tumani vakili ham ishtirok etib, g’oliblikni qo’lga kiritgani barchamizni birdek quvontirdi.
70 kilogramm vaznlilar o’rtasida bo’lib o’tgan musobaqalarda So’x tumani vakili, Qal'acha mahalla fuqarolar yig’inida yashovchi, 3-sonli ixtisoslashtirilgan umumta'lim maktabi 8-sinf o’quvchisi Ozodbek Burhoniddinov 16-17 yosh toifasida g’oliblikni qo’lga kiritdi.
Ozodbekka o’z vazni toifasida jahon chempionatining oltin medali taqdim etildi. Mazkur musobaqalarda jahonning 32ta davlatidan sportchilar ishtirok etdi.
Ozodbekni ushbu muvaffaqiyat bilan barcha tuman ahlmi nomidan samimiy muborakbod etamiz. Muvaffaqiyatlar va omad bardavom bo’lishini tilab qolamiz.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
