MILLIY GVARDIYANING SO’X TUMANI BO’LIMI XODIMLARI TAQDIRLANDI
2023-08-07 17:45:58 145
Milliy gvardiyaning So’x tumani bo’limi xodimlari taqdirlandi
Jamiyatda huquq-tartibot va fuqarolar xavfsizligini ta'minlashda milliy gvardiya xodimlarnining faoliyatini alohida e'tirof etish joyiz. Chunki ushbu yo’nalishda soha vakillari astoydil mehnat olib borishadi.
O’tgan haftaning oxirgi kuni mazkur soha vakillari o’zlarining kasbiy bayramlarini nishonlashdi. Bugun tuman hokimligi majlislar zalida mazkur sanaga bag’ishlab tadbir bo’lib o’tdi.
Tadbirda bir guruh O’zbekiston respublikasi Milliy gvardiyasi Farg’ona viloyati qo’riqlash boshqarmasi So’x tumani qo’riqlash bo’limining bir guruh xodimlariga tashakkuronma va esdalik sovg’alar topshirildi. Tadbirga barcha soha xodimlari taklif qilindi.
Bo’lim rahbari Rustamjon Mamajonovning so’zlariga ko’ra, mazkur soha xodimlarining umumiy soni 43 nafarni tashkil etadi va alohida himolanadigan binolar, ijtimoiy soha ob'ektlarni qo’riqlashda milliy gvardiyachilarning hissasi beqis. Shuningdek, qo’riqlash bo’limining texnik-qo’riqlash markazi tomonidan savdo rastalari va o’quv muassasalari ham qo’riqlanadi.
Tadbirda eng faol bo’lgan soha xodimlariga mukofotlarni tuman hokimi Sayidbahrom Sayidmusayev taqdim etdi. Xodim Xurshed Karimovga “O’zbekiston Respublikasi Milliy Gvardiyasining fidoiy xodimi” ko’krak nishoni taqdim etildi.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
