XOTIN-QIZLAR O’RTASIDA VOLEYBOL BO’YICHA SPORT MUSOBAQALARIGA START BERILDI
2023-08-07 17:31:45 142
Xotin-qizlar o’rtasida voleybol bo’yicha sport musobaqalariga start berildi
Mustaqilligimizning 32-yillik to’yini munosib kutib olish maqsadida tumanimizda mazkur sanaga bag’ishlab turli tadbirlar o’tkazilmoqda. Tumanimizda joriy yilning 5 dan 17 avgustigacha maktabgacha va maktab ta'limi bo’limi kubogini qo’lga kiritish maqsadida voleybol bo’yicha o’tkazilayotgan musobaqlar ham shunday tadbirlarning uzviyligini ta'minlanayotir.
Mazkur musobaqalar sektorlar kesimida o’tkazilib, unda asosan xotin-qizlar rahbarligida maktabgacha ta'lmi muassasalari va umumta'lim maktablari xodimlari ishtirok etadilar. Mazkur musobaqalarning sektorlar kesimidagi uchrashuvlariga 1-sektorning 27-sonli UO’T maktabida start berildi.
Tadbir ochilish marosimida ishtirok etgan tuman hokimi Sayidbahrom Sayidmusayev, hokim o’rinbosari, oila va xotin-qizlar bo’limi boshlig’i Madinaxon Safarova, tuman ichki ishlar bo’limi boshlig’i Qosimjon Rahimberdiyev, tuman maktabgacha va maktab ta'limi bo’limi mudiri Gulnoza Usmonovalar barcha ishtirokchilarga omadlar tiladilar. Musobaqaning asosiy maqsadi Vatanimiz to’yini munosib nishonlash va sportning voleybol turini ommaviylashtirishdan iborat.
Tadbirdan so’ng musobaqalarga start berildi va sektorning 9 ta jamosi o’zaro bellashdilar. Sektor kesimida g’oliblikni qo’lga kiritgan jamoalar final bosqichida maydonga chiqishadi va g’olib jamoaga kubok taqdim etiladi.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
