1. Bosh sahifa
2. Yangiliklar

BOLALAR YOZGI SOG’LOMLASHTIRISH OROMGOHIDA NAVATDAGI BOSQICH DAVOM ETMOQDA

×

Bolalar yozgi sog’lomlashtirish oromgohida navatdagi bosqich davom etmoqda

Istiqlol mahalla fuqarolar yig’inida qurilgan va ayni kunda bolajonlarni o’z bag’riga olgan bolalar sog’lomlashtirish oromgohida bugun 4-mavsum boshlangan va bu makonda har kuni bolajonlar uchun turli tadbir va bayramlar tashkil etiladi. Oromgoh direktori Tavakkal Erkayevning so’zlariga ko’ra, bugungi kungacha oromgohda qariyb 1 000 nafar bolajonlarimiz dam oldilar.

Oromgohda tashkil etilgan navbatdagi tadbirda “Adolat” sotsial-demokratik partiyasi tuman Kengashi vakillari ishtirok etdilar va bolajonlar bilan birga xursandchilik qildilar. Tadbir yakunida mazkur oromgoh direktori Tavakkal Erkayevga partiya Kengashining tashakkurnomasi va bir guruh eng faol deb topilgan bolajonlarga partiyaning esdalik sovg’alarini boshlang’ich partiya tashkiloti rahbari S. Domulloyev va deputat S. Nishonovlar taqdim etdilar.

Albatta, tuman bolalar yozgi sog’lomlashtirish oromgohi bugun So’xlik bolajonlarning sevimli maskaniga aylanib ulgurgan. Oromgoh sharoitlaridan foydalanib, miriqib dam olgan barcha bolajonlarimiz o’zgacha ishtiyoq bilan yangi o’quv yiliga tayyorgarlik ko’radilar.

So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram