1. Bosh sahifa
2. Yangiliklar

QAQIR MAHALLA FUQAROLAR YIG’INIDA 8 KILOMETRDAN ORTIQROQ ICHKI YO’LLAR ASFALTLASHTIRILADI

×

Qaqir mahalla fuqarolar yig’inida 8 kilometrdan ortiqroq ichki yo’llar asfaltlashtiriladi

Tumanimiz hududlarida mahallalar infratuzilmasini rivojlantirish maqsadida keng ko’lamli obodonlashtirish ishlari olib borilmoqda. Davlat dasturlari va maxsus loyihalar tufayli bugun hududlardagi muammolar bartaraf etilyapti, asosan ta'mirtalab bo’lib qolgan yo’llar va mahallalarning ichki ko’chalari ta'mirlanib, zamonaviy ko’rinish olmoqdla va bu albatta, xalqimizning quvonchiga sabab bo’layotir.

Tumanimizning Qaqir mahalla fuqarolar yig’inida ham bugun ichki ko’chalar asfaltlashtirishga tayyorlanmoqda. Ayni kunda tuman yo’lsozlari tomonidan ushbu mahalladagi ko’chalarga shag’al qoplamasi yotqizilmoqda.

- Shag’allashtirish ishlarini oxiriga yetkazib, ushbu mahallaning ichki ko’chalariga manzilli dastur asosida asfalt qoplamasi yotqiziladi. Mazkur mahallaning asfaltlashtirish loyihasiga kiritilgan ichki ko’chalarining umumiy uzunligi 8 kilometrdan ortiqroq masofani tashkil etadi, - deydi tuman yo’lsozlik idorasi mas'uli Zafarjon Mirzoyev.

Ayni kunda ichki ko’chalarning 3 kilometrdan ortiqroq qismi shag’allashtirib bo’lindi. Yaqin kunlarda asfaltlashtirish ishlari mazkur mahallada boshlab yuboriladi.

                  So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram