1. Бош сахифа
2. Янгиликлар

ДЕВАЙРОН МАҲАЛЛА ФУҚАРОЛАР ЙИҒИНИДА ИЧКИ КЎЧАЛАР ҚИШЛОҚ ИНФРАТУЗИЛМАСИНИ РИВОЖЛАНТИРИШ ЛОЙИҲАСИ ДОИРАСИДА АСФАЛЬТЛАШТИРИЛМОҚДА

×

Девайрон маҳалла фуқаролар йиғинида ички кўчалар қишлоқ инфратузилмасини ривожлантириш лойиҳаси доирасида асфальтлаштирилмоқда

Ҳудудларда, айниқса, республикамизнинг чекка ва олис қишлоқларида 2020-2024 йиллар давомида Ўзбекистон Республикаси иқтисодиёт ва молия вазирлиги ҳузуридаги “Қишлоқ инфратузлимасини ривожлантириш лойиҳасини амалга ошириш гуруҳи” томонидан ишлаб чиқилиган лойиҳалар асосида кенг кўламли қурилиш-таъмирлаш ишлари олиб борилиши режалаштирилган ва ушбу лойиҳалар асосида бизнинг туманимизда ҳам амалий ишлар қилинаётир.

Мазкур лойиҳалар Жаҳон банкининг халқаро тараққиёт уюшмаси ва Осиё инфратузилмавий инвестициялар маблағлари ҳисобидан молиялаштирилади ва лойиҳанинг асосий мақсади қишлоқ аҳолисининг асосий инфратузилма сифатини ошириш ва лойиҳа қамраган қишлоқ ҳаётий фаолиятини таъминловчи хизматлар сифатини яхшилашга қаратилган.

Айни кунда мазкур лойиҳа асосида туманимизнинг Девайрон маҳалла фуқаролар йиғинидаги барча ички кўчаларда асфальтлаштириш ишлари олиб борилмоқда. Мазкур маҳаллада умумий узунлиги 4 километр 700 метр бўлган масофадаги ички кўчаларга асфальт қопламаси ётқизилади.

Лойиҳа қиймати 1 670 000 000 сўмни ташкил этади. Қурилиш ишлари “Гузари омади Лазина” хусусий фирмаси ишчи-ходимлари томонидан амалга оширилаётир.

Сўх тумани ҳокимлиги Ахборот хизмати

Бизни ижтимоий тармоқларда кузатинг
Facebook | Telegram | Telegram murojaat | Youtube | Instagram