1. Бош сахифа
2. Янгиликлар

ЁШЛАР МУАММОЛАРИ ТИЗИМЛИ ЎРГАНИЛМОҚДА

×

Ёшлар муаммолари тизимли ўрганилмоқда

Ўзбекистон Республикаси Президентининг 2022 йил 19 январдаги “Маҳаллаларда ёшлар билан ишлаш тизимини тубдан такомиллаштириш чора-тадбирлари тўғрисида» қарори ва Вазирлар Маҳкамасининг 2022 йил 7 июньдаги қарорининг ижросини таъминлаш юзасидан ижтимоий ҳимояга муҳтож, ишсиз ва ижтимоий фаол бўлмаган ёшлар билан “Ёшлар” дафтарини юритиш орқали ишлаш тизимини янада такомиллаштириш, тадбиркорликни ҳар томонлама қўллаб-қувватлаш, соғлом рақобатни шакллантириш бўйича туман прокурорига бириктирилган сектор ҳудудидаги “Қизил тоифада”ги ёшларни доимий ҳолидан хабар олиниб, уларни ўзи қизиқтирган йўналишлари бўйича муаммолари хал этиб келинмоқда.

Туман прокурори, 2-сектор раҳбари Садирали Мирзокаримов бошчилигида ўтказилган навбатдаги хонадонбай ўрганишларда юқорида келтирилган масалалар асосий мақсад қилиб олинди. Ўрганиш жараёнида тиббиёт ходимларини жалб этиб 10 нафар ногиронларнинг ҳолидан хабар олиниб, улардан 1 нафарига 7 турдаги бепул дори-дармон воситалари берилди.

Маълумот учун: 2-сектор ҳудудида ёшларнинг умумий сони 7 485 нафар бўлиб, шундан 665 нафар ёшлар “Қизил тоифа”га киритилган ва шундан 123 нафари туман прокурорига бириктирилган.

Хусусан, шу кунга кадар туман прокурорига бириктирилган 123 нафар ёшларнинг барчаси билан суҳбат ўтказилиб, 23 тасида турли муаммолар мавжудлиги аниқланган ва муаммолари ечилган.

Жумладан, 10 нафар ёшларга аукцион оркали ер олиб берилиб, бандлиги таьминланган булса, 1 нафарига субсидия асосида иш қуроли -  мотокультиватор олиб берилган, 2 нафари мутахассислиги буйича доимий иш билан таьминланган, 3 нафарига ОТМ га контракт тўлови тўлаб берилган, 2 нафарига болалар нафақаси тайинланган, 15 нафар ногиронлар чуқурлаштирилган тиббий кўрикдан ўтказилиб, 1 нафарига юрак соҳасида жаррохлик амалиёти ўтказиш учун 10 миллион сўм, 2 нафарига 1,2 миллион сўмдан моддий ердам берилиши таъминланган.

Ёшлар бандлигини таьминлаш, улар билан манзилли ишларни ташкил этиш мақсадида хонадонма хонадон борилиб, улар билан суҳбат ўтказилиб мавжуд муаммоларини ҳал этиш буйича чора-тадбирлар белгиланмоқда. “Қизил тоифа”га киритилган ёшлар билан ишлар давом эттирилмокда.

                  Сўх тумани ҳокимлиги Ахборот хизмати

Бизни ижтимоий тармоқларда кузатинг
Facebook | Telegram | Telegram murojaat | Youtube | Instagram