1. Бош сахифа
2. Янгиликлар

СУВ ҲАВЗАЛАРИДА ЧЎМИЛИШ ҚОИДАЛАРИНИ БИЛАСИЗМИ?

×

Сув ҳавзаларида чўмилиш қоидаларини биласизми?

Ёзнинг жазирама кунлари инсонлар соя-салқин жойларга талпинади. Айниқса, бундай пайтда мазза қилиб чўмилиш танага хузур бағишлайди. Чўкиш билан боғлиқ ҳодисаларнинг юз бермаслиги учун авваламбор чўмилиш қоидаларига қатъий риоя қилиш лозим. Бунинг учун биринчи навбатда об-ҳаво қуёшли ва шамол бўлмаган пайтда, ҳаво ҳарорати +170 - +190 дан кам бўлмаган шароитда чўмилиш тавсия этилади. Тақиқланган чўмилиш жойлари ва сув ҳавзаларида қорин оч бўлганда, чарчаганда, чанқаганда, яқинда беморликдан турганда, спиртли ичимлик истеъмол қилинганда, ёлғиз бўлганда ва офтоб уриш ҳолларида чўмилиш мумкин эмас.

Сунъий сув хавзасида назоратчилар келганларнинг саломатлиги борасидаги маълумотномасиз чўмилишга  рухсат бермаслиги лозим. Сунъий сузиш ҳавзаларида чўмилишдан олдин киши зарурий кўрсатмаларга амал қилиш ва албатта махсус кийим (резина шляпа, чўмилиш кийими, резина оёқ кийим, кўзойнак)лардан фойдаланиши лозим. Бу сувнинг гигиеник ҳолатини ёмонлашишидан сақлайди.

Сув хавзасига тушганда қуйидаги жиҳатларга эътибор беринг:

- Бассейнларнинг кафели сирпанчиқ бўлса, бу сувнинг эскирганидан далолат беради. Бундай ҳавзаларда сув уч кун ичида алмаштирилиб борилиши лозим.

- Ота-оналар ўз фарзандини асло катталар учун мўлжалланган сув ҳавзаларида чўмилтирмаслиги керак.

- Бассейн суви +220 - +230 даражадан ошмаслиги лозим.

- Совуқ сувда чўмилиш томир тортишишига олиб келиши мумкин.

           Баъзан ёз фаслида манзарали фаввораларда болаларнинг чўмилиш ҳолати кузатилади. Аслида фавворалар чўмилиш учун эмас, балки ушбу ҳудуддаги микроиқлимни мўтадиллаштириш ва шаҳар хуснига чирой қўшиш мақсадида фойдаланиладиган иншоот хисобланади. Аксарият фаввораларнинг суви айланма тарзда ва кун бўйи махсус механизмлар ёрдамида айланадиган сувлар ҳаво таркибидаги чанглар орқали ифлосланади. Бундан ташқари, манзарали фаввораларнинг сув отиб берувчи мосламалар болаларнинг чўмилиши ва сувга сакрашлари пайтида уларга тан жароҳати етказиши эҳтимолдан ҳоли эмас. Шунинг учун ота-оналар фарзандларининг фаввораларда эмас, махсус текширувдан ўтказилган чўмилиш ҳовузларида чўмилишларини таъминласа мақсадга мувофиқ бўларди.

Фархиддин Саидов - Сўх туман ФВБ ФВДТ ва ФМ ташкил этиш бўлинмаси бошлиғи, лейтенант

Бизни ижтимоий тармоқларда кузатинг
Facebook | Telegram | Telegram murojaat | Youtube | Instagram