1. Бош сахифа
2. Янгиликлар

ФАВҚУЛОДДА ВАЗИЯТЛАРНИ ОЛДИНИ ОЛШИГА ҚАРАТИЛГАН ТАДБИРЛАР ЎТКАЗИЛМОҚДА

×

Фавқулодда вазиятларни олдини олшига қаратилган тадбирлар ўтказилмоқда

Туманимиз ҳудудида туман фавқулодда вазиятлар бўлими ходимлари томонидан ёз фаслида юзага келадиган фавқулодда вазиятларни олдини олишга қаратилган тарғибот-ташвиқот ишлари олиб борилмоқда. Ҳамкор ташкилотлар билан амалга оширилаётган бундай тадбиларда аҳолига бу бўйича кенг қамровли тушунча ва маълумотлар берилиб, амалий машғулотлар орқали бундай вазиятлардан сақланиш йўллари ва усуллари ҳам ўргатилмоқда.

Туман фавқулодда вазиятлар бўлими, туман газлаштириш идораси, туман ижтимоий муҳофаза бўлими ҳамкорлигида тумандаги мактабгача таълим муассасаларида ёнғин хавфсизлиги, ёз мавсумида тақиқланган сув ҳавзаларида болаларнинг чўмилишига йўл қўймаслик, ёш болаларни назортасиз қолдирмаслик, ис газидан заҳарланиш, газ-ҳаво чақнаши оқибатида юзага келадиган фавқулодда вазиятларни олдини олишга қаратилган тарғибот тадбирлари ўтказилмоқда.

Ҳамкорликда амалга оширилаётган тарғибот тадбирининг навбатдагиси 4-сектор ҳудудидаги мактабгача таълим муассасасида ташкил этилди. Ҳамкор ташкилотлар вакиллари тадбир жараёнида ёнғин хавфсизлиги, тақиқланган сув ҳавзаларида чўмилишни тақиқловчи тарғибот буклетларини муассаса ҳудудида ёпиштириб, муассаса ошхонасида белгиланган тартиб-қоидаларга риоя этиш хусусида тушунтиришлар бердилар.

Тарғибот тадбири жараёнида бевосита болажонлар иштирокида мавзуга оид  амалий машқлар орқали тушунтириш ишлари ташкил этилди. Сўх тумани фавқулодда вазиятлар бўлими ФВДТ ва ФМ бўлинмаси бошлиғи Фархиддин Саидовнингг сўзларига кўра, бундай тарғибот тадбирлари ҳудудларда мунтазам ташкил этилади.

                  Сўх тумани ҳокимлиги Ахборот хизмати

Бизни ижтимоий тармоқларда кузатинг
Facebook | Telegram | Telegram murojaat | Youtube | Instagram