SHE'RXONLIK TADBIRLARI TASHKIL ETILMOQDA
2023-05-18 18:05:22 200
She'rxonlik tadbirlari tashkil etilmoqda
Yosh avlodni adabiyotga, ayniqsa, she'r va she'rxonlikka bo’lgan qiziqishlarini yanada oshirish, kitob mutolaasiga bo’lgan zavqlarini yanada kuchaytirish maqsadida turli ma'naviy-ma'rifiy tadbirlar o’tkazilmoqda. Bunday tadbirlarni o’tkazilishida Respublika ma'naviyat va ma'rifat markazi So’x bo’linmasi mutasaddilarining hissasi beqiyos.
Respublika ma'naviyat va ma'rifat markazi So’x bo’linmasi va maktabgacha va maktab ta'limi bo’limi hamkorligida tashkil etilgan "Gulxan atrofida she'rxonlik" kechasi tumandagi 11-sonli umumiy o’rta ta'lim maktabida o’tkazildi. Chiroyli bezatilgan sahna ko’rinishi she'rdonlarga o’zgacha ruhiyat bag’ishladi desak, mubolag’a emas.
Respublika ma'naviyat va ma'rifat markazi So’x bo’linmasi boshlig’i Gulshanjon Ibragimovning so’zlariga ko’ra, bu kabi tadbirlar qatorida “Qadriyatlarimizni o’zida mujassam etgan kinofilmlar namoyishi” tadbirlari ham o’tkazilmoqda. Tadbirlar may oyining oxirigacha davom etadi va eng faol ishtirokchilarga qimmatbaho sovg’alar taqdim etiladi.
- Bu kabi tadbirlarimiz tumandagi barcha ta'lim muassasalarida davom etmoqda. Yoshlarimizning faolligi tadbirlar ko’rkiga o’zgacha fayz baxsh etmoqda, - deydi Gulshanjon.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
