1. Bosh sahifa
2. Yangiliklar

QAYROQ MASSIVIDAGI BIRINCHI MEMBRANA TAYYOR HOLATGA KELTIRILDI, JAVPAYADAGI MEMBRANAGA “OBI HAYOT” TO’LDIRILDI - BARPO ETILGAN O’RIKZOR SUV TEJOVCHI TEXNOLOGIYALAR ORQALI SUG’ORILMOQDA

×

Qayroq massividagi birinchi membrana tayyor holatga keltirildi, Javpayadagi membranaga “obi hayot” to’ldirildi - barpo etilgan o’rikzor suv tejovchi texnologiyalar orqali sug’orilmoqda

Tumanimizda yangi ochilayotgan yer maydonlarida bugun amaliy ishlar avj olgan. Safarbar etilgan texnikalar yordamida yer maydonlarini tayyorlash va ekin ekishga shay holtaga keltirish ishlari Qayroq massivida bevosita biriktirilgan vakillar nazorati oasida amalga oshirilayotir.

Tuman ichki ishlar bo’limi boshlig’i Qosimjon Rahimberdiyev, tuman davlat soliq inspektsiyasi boshlig’i Faridjon To’raboyev va viloyatdan kelgan vakillarning nazorati ostida ekin yer madoylarini tayyorlash ishlari oxiriga yetkazilmoqda. Tuman ichki ishlar bo’limi boshlig’ining so’zlariga ko’ra, ayni kunda Qayroq massivida sug’orish uchun mo’ljallangan birinchi membrana kavlab bo’lindi va yaqin kunlarda membranani jihozlash ishlari boshlab yuboriladi.

Mazkur hududda dastlabki 200 gektar yer maydoniga malina ekiladi. Suv tejovchi texnologiyalar orqali sug’oriladigan mazkur maydondagi hosildorlik mutaxassislarning ma'lumotiga ko’ra, ancha yuqori bo’lar ekan.

Qal'achaning Javpaya massivida esa, olib kelingan barcha o’rik nihollari ekib bo’lindi va mutaxassislar ekin yer maydonining qolgan qismiga suv tejovchi texnologiyalarni o’rnatishmoqda. Buning uchun barcha zaruriy asbob-uskuna va dastgohlar olib kelingan.

Dastlabki 230 gektarga ekilgan o’rik nihollarinining o’sishini ko’rib, havasingiz keladi. Allaqachon “obi hayot” bilan to’ldirilgan membrana orqali yangi bog’lar sug’oriladi va mutaxassislarning so’zlariga ko’ra, membrana orqali bir paytning o’zida 20 gektar bog’zor va ekin yer maydonlari birdaniga sug’orildi.

Javpayadagi kunlik ishlar bevosita mutasaddilar bilan birgalikda har kuni tuman hokimi Sayidbahrom Sayidmusayev va tuman prokurori Sadirali Mirzokarimov boshchiligida tahlil etiladi.Tuman prokurori tashabbusi bilan Javpayaning pastki qismidagi issiqxonalarning sug’orish muammosi ham hal etilayotir.    

                  So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram