QDPIDA SO’XLIK TALABALAR UCHUN AVTOBUS QATNOVI YO’LGA QO’YILDI
2023-04-20 15:01:34 133
QDPIda so’xlik talabalar uchun avtobus qatnovi yo’lga qo’yildi
Joriy yilning mart oyida Qo’qon shahar hokimi M. Usmonov, So’x tumani hokimi S. Sayidmusayev, institut rektori D. Xodjayeva hamda sektor rahbarlarining Qo’qon davlat pedagogika institutida tahsil olayotgan so’xlik talaba-yoshlar bilan ochiq muloqoti o’tkazilgan va unda talabalar tomonidan Qo’qon-So’x yo’nalishida avtobus qatnovini yo’lga qo’yish taklifi bildirilgan edi.
Bugundan boshlab so’xlik talabalar institutga o’z vaqtida kelib-ketishlarida jamoat transporti xizmatini tashkil etish maqsadida Qo’qon-So’x yo’nalishida avtobuslar qatnovi yo’lga qo’yildi. Bundan, tabiiyki, talabalar g’oyatda xursand.
Ilk avtobusni So’xga jo’nab ketish tadbirida institut rektori Dilnoza Xodjayeva, prorektor v.v.b. F. Ibragimov, dekan o’rinbosarlari va talabalar ishtirok etishdi.
– Men tarix fakultetida tahsil olaman, – deydi Rahmonjon Kimsanboyev. –Avtobus qatnovi yo’lga qo’yilgach, xarajatimiz ikki barovarga kamayadigan bo’ldi.
Ushbu avtobus yo’nalishi talabalarni to’g’ridan-to’g’ri Qo’qondan So’xga yetib olishlari hamda oliygohga qaytib kelishlari uchun maxsus tashkil etilgan.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
