MAHALLADAGI TOG’ CHO’QQISIDA SPORT MAYDONCHASI TASHKIL ETILDI: YOSHLAR SPORTGA ASTOYDIL INTILAYOTIR
2023-04-18 16:19:17 74
Mahalladagi tog’ cho’qqisida sport maydonchasi tashkil etildi: yoshlar sportga astoydil intilayotir
Respubliamizda sport sohasini rivojlantirishga berilayotgan e'tibor sohani eng olis va chekka hududlarda ham rivojlanishiga asosiy omil bo’lib xizmat qilayotir. Prezidentimiz tashabbusi bilan bugun butun Respublika bo’ylab mahallalar yoshlari uchun sport maydonlari, ko’cha sportini rivojlantirish maqsadida “street workout”lar tashkillanmoqda.
Bugun Hazrati Ali mahalla fuqarolar yig’ini raisi Subhonali Nishonov tashabbusi bilan mahalla yoshlari uchun hatto tog’ cho’qqisida ham “workout”lar barpo etilayotir. – Men o’zim sportga qiziqqanim bois, mahallamizdagi ziyoratgoh hududida joylashgan tog’ cho’qqisiga har kuni chiqaman. Mahalla yoshlari bilan eratalabki badantarbiyani ham shu yerda o’tkazamiz. Sportga chanqoq yoshlarning ko’pligini hisobga olib, tog’ cho’qqisida, mana sport maydonchasi tashkil etishga qaror qildik, - deydi mahalla raisi.
Ziyoratgoh tog’ cho’qqisida tashkil etilgan sport maydonchasini barpo etishda mahalla yoshlar yetakchisi D. Nabijonov va sportsevar mahalla yoshlari faollik ko’rsatdilar. Endilikda mahallada tashkil etilgan “mountain workout”dan barcha sportchi yoshlar samarali foydalanishmoqda.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
