1. Бош сахифа
2. Янгиликлар

“МАҲАЛЛАБАЙ” ТИЗИМИИ АСОСИДА САРИБОЗОРЧАДАГИ МУАММО ВА КАМЧИЛИКЛАР ЎРГАНИЛДИ

×

“Маҳаллабай” тизимии асосида Сарибозорчадаги муаммо ва камчиликлар ўрганилди

Президентимиз ва давлатимиз ҳукуматининг алоҳида эътибори туфайли Сўх тумани миқёсида кенг кўламли қурилиш-таъмирлаш ва ободонлаштириш ишлари амалга оширилмоқда. Ушбу йўналишда Сарибозорча маҳалла фуқаролар йиғинида ҳам арзирли ишлар қилиняпти.

Маҳаллада бўлган туман ҳокими олиб борилаётган ишлар жараёнини кўздан кечирди, аҳоли билан самимий мулоқотлар чоғида уларнинг муаммо ва камчиликлари тингланди. Асосийси, бўлаётган амалий ишлар ва ислоҳотлар самарасидан халиқимиз мамнун ва миннатдор.

Айни кунда маҳаллада ичимлик суви тармоғи тортиш ишлари амалга оширилмоқда ва бу ишга “Мумтоз металл” МЧЖ ишчи-ходимлари бел боғлаган. Жамият раҳбари Отабек Ғоибназаров билан суҳбат чоғида бажарилаётган ишлар сифатига эътибор қратиш лозимлиги таклифи берилди.

“Маҳаллабай” тизими асосида фуқаролардан тушган мурожаатларнинг аксарияти ижрога йўналтирилди.

Жумладан,

маҳаллада яшовчи Зойитжон Тожиевнинг маҳаллада тик қудуқ қазиш масаласини манзилли ўрганиш мутасадди ташкилот раҳбарига йўналтирилди;

Маҳалладаги электр энергиясига борғлиқ муаммо – трансформатор ўрнатиш масаласи туман электр тармоқлари корхонаси раҳбарига йўналтирилди ва ушбу муаммо бугун ҳал этилиши маълум қилинди;

Аъзамжон Султонов бутун умрини қишлоқ хўжалиги соҳасига бағишлаган. Отахоннинг сиҳатгоҳда даволаниш учун йўлланма олиш бўйича қилган мурожаати ҳам ҳал этилиши таъкидланди. Отахон бепул июнь ойида вилоятимиз сиҳатгоҳларнинг бирида дам олиб келади;

Шунингдек, тиббиёт муассасаларида даволаниш бўйича қилган мурожаатлар ҳам ижобий ҳал этилади. Жарроҳлик амалиётига боғлиқ бўлган харажатлар фуқаролар томонидан керакли ҳужжатларни тақдим этганидан сўнг албатта ҳал этилиши тушунтирилди.

Шунингдек, маҳаллада бугун аҳолига ҳизмат кўрсатиш шохобчалари – нонвойхона ва тиббиёт пункти барпо этилган. Асосий масала маҳалланинг янги биносини қуриш ва бунинг учун муносиб жой танлаш бўлиб турибти.

Туман ҳокими иштирокида ушбу масала ҳам ўрганилди. Агар маҳалла биноси учун танланган муносиб жой расмийлаштирилса, фуқаролар йиғини учун янги бино давлат-хусусий шерикчилик асосида маҳалла аҳлига қуриб берилади.

Сўх тумани ҳокимлиги Ахборот хизмати

Бизни ижтимоий тармоқларда кузатинг
Facebook | Telegram | Telegram murojaat | Youtube | Instagram