1. Bosh sahifa
2. Yangiliklar

QAL'A MAHALLASI FUQAROLARI UCHUN IFTORLIK DASTURXONI YOZILDI

×

Qal'a mahallasi fuqarolari uchun iftorlik dasturxoni yozildi

Ramazon shukuhi qalblarga musaffolik va sokinlik olib kirmoqda. Bu oyda keksalar, boquvchisini yo’qotganlar, bemorlar hamda imkoniyati cheklanganlar holidan xabar olinib, ularga mehr ulashilmoqda. Prezidentimiz tashabbusi bilan “Yangi O’zbekiston Konstitutsiyasi davlat birligi ramzi” mavzusi ostida tashkil etilayotgan iftorlik tadbirlari ham ayni shu ezgu maqsadni o’zida mujassam etgan.

Tumanimizning muhtasham “Sohil” tantanalar majmuasida tashkil etilgan iftorlik tadbiriga bu gal Qal'a mahalla fuqarolar yig’inida yashovchi aholi taklif qilindi. Tadbirga asosan kam ta'minlangan, ehtiyojmand fuqarolar, ijtimoiy himoyaga muhtoj oilalar vakillari taklif etildi.

Tadbir avvalida so’z olgan tuman mahalla va nuroniylarni qo’llab-quvvatlash bo’limi boshlig’i Abdushukur To’raboyev tashkil etilayotgan iftorlik tadbirlari haqida gapirdi. Ta'kidlandiki, ro’zai ramazon kunlarida tashkil etilayotgan bunday xayrli amallar har bir inson ko’ngliga, shikasta qalblarga malham bo’lmoqda.

Tadbirda ishtirok etgan mahalla ahli ham bunday ezgu maqsadni o’zida mujassam etgan tadbirlar haqida samimiy fikrlar bildirib, buning uchun davlatimiz rahbariga samimiy minnatdorchilik bildirdilar. Tadbirda ishtirok etgan barcha din vakillari ham Qur'oni Karimdan oyatlar tilovat qilib, Vatan tinchiligi va xalqimiz farovonligi niyatida qo’llarini duoga ochdilar.

                  So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram