SO’X MAHALLA FUQAROLAR YIG’INIDA IKKI KUNLIK HASHAR TASHKIL ETILDI
2023-03-13 19:03:43 55
So’x mahalla fuqarolar yig’inida ikki kunlik hashar tashkil etildi
Barchamizga ma'lumki, 4-sektor hududidagi So’x mahalla fuqarolar yig’inida saxovatpesha homiylar ko’magi va tashabbusi bilan mahalladagi Hoja Abulqosim jome masjidida rekonstruktsiya ishlari olib borilmoqda. Mazkur muqaddas makon hududini obodonlashtirish maqsadida tashkil etilgan hasharda ham mahalla ahli uyushqoqlik bilan ishtirok etdilar.
Mahalladan tuman Kengashiga saylangan deputat Rasuljon Mirsaidovning bildirishicha, mazkur hasharda 150 nafardan ortiq aholi ishtirok etdilar. Qabriston hududini tozalash ishlari olib borilib, daraxtlar oqlandi hamda 50 to’p manzarali daraxt ekildi.
Mazkur xayrli amallarga ikki dona texnika ham jalb etildi. Hasharchilar tomonidan tozalash ishlaridan tashqari qabriston atrofiga eshiklar o’rnatildi.
Shuningdek, mahallaning arig’ini tozalash maqsadida tashkil etilgan hasharda ham salkam 200 nafar aholi qatnashdi. So’x muhalla fuqarolar yig’ini hududidan o’tuvchi “Obishirsoy” arig’ining 1,5 kilometr uzunlikdagi masofasi hasharchilar tomonidan tozalandi.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
