QIZILQIYOQ MAHALLASIDAGI SUG’ORISH SUVI MUAMMOSINI BARTARAF ETISHGA SALKAM 1 MILLIARD 700 MILION SO’M MABLAG’ YO’NALTIRILADI
2023-03-04 15:57:45 130
Qizilqiyoq mahallasidagi sug’orish suvi muammosini bartaraf etishga salkam 1 milliard 700 milion so’m mablag’ yo’naltiriladi
Aytish lozimki, tumanimizning 3-sektori hududida joylashgan mahalallarda ichimlik va sug’orish suvi ta'minoti kechagi yoki bugungi muammo emas. Aholi bu hududlarda suv tanqisligi bois, ushbu ne'matni mahallalar kesimida barpo eilgan hovuzlardan olib, iste'mol qilishadi.
Ayni kunda sektorning Qizilqiyoq mahalla fuqarolar yig’inida ushbu muammoni bartaraf etish maqsadida amaliy ishlar olib borilmoqda. Mahallaga sug’orish suvi tarmog’i tortish ishlari olib borilyapti.
Suv muammosini bartaraf etish maqsadida olib borilayotgan ishlar Prezidentimizning 408-sonli qarori asosida amalga oshirilayotir. Ayni kunda mahalla hududiga suv yetkazib berish quvurlarini tortish ishlari buyurtmachi tashkilot "Suv qurilish invest" DUK tomonidan olib borilmoqda.
Mazkur loyihaning umumiy qiymati 1 milliard 627 million so’mni tashkil etadi. Dastlabki ishlarni bajarish maqsadida hozirgi kunda mazkur loyiha uchun 500 million so’m yo’naltirilgan.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
