1. Bosh sahifa
2. Yangiliklar

XUSHXABAR

×

Xushxabar

Bahor faslining boshlanishi So’x tumanida Farg’ona viloyati hokimi tashabbusi bilan boshlangan xayrli ishlarga ijobiy davom baxsh etdi va bu ruhiyat bugun barcha So’xliklar kayfiyatiga ham o’zining tas'irini ko’rsatmoqda. Boshqacha qilib aytganda, bahor faslining ilk qadamlari So’x tumani uchun qutlug’ keldi.

Bugun Javpaya suv nasos stantsiyasidan tortilgan “Obi hayot”ning ilk tomchilari Javpayaning tashna tuprog’iga tushdi. Sinovdan muvaffaqiyatli o’tgan suv nasos stantsiyasidan endilikda Javpaya kengliklari sug’oriladi.

Tashnajon lalmi yerlar endi hosilga kiradi va bu aholiga qo’shimcha daromad manbai degani. Butun So’x tumani aholisi nomidan bu ezgu ish va xayrli amal tashabbuskorlariga samimiy minnatdorchilik bildiramiz.

Osmonu falakka yuz tutgan suvga chanqoq bu yerlardan albatta bugun shukronalik ovozi eshitilmoqda. Bu ovoz shukronalik ovozi, duoyi nek sadosidir va bu duolar ijobat bo’lishiga astoydil inonamiz. Ayniqsa, juma kunida qilingan duoyi nek albatta ijobat bo’ladi. Muborak bo’lsin!   

                  So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram