27-SONLI MAKTABGA BORGAN TUMAN HOKIMI HISOB FANIDAN BIR SOATLIK DARS O’TDI
2023-02-18 16:54:39 113
27-sonli maktabga borgan tuman hokimi hisob fanidan bir soatlik dars o’tdi
Xabaringiz bor, tuman hokimi Sayidbahrom Sayidmusayev tashabbusi bilan tumanimizning G’aznov mahallasidagi 21-sonli umumiy o’rta ta'lim maktabida mazkur ta'lim muassasasining istitish tizimi nosozliklarini bartaraf etish bo’yicha amaliy ishlar qilindi. Hududdagi boshqa ta'lim dargohlaridagi holatlarni ko’zdan kechirish yuzasidan ham tuman hokimi tomonidan o’rganishlar olib borilayotir.
Sohibkor mahalla fuqarolar yig’inidagi 27-sonli umumiy o’rta ta'lim maktabida bo’lgan tuman hokimi maktabdagi olib borilayotgan ishlarni ko’zdan kechirdi. Maktabning isitish tizimi va qozonxonalarning ishlash jarayoni ham hokim nigohidan chetda qolmadi.
Mazkur maktabning sakkizinchi sinf o’quvchilari bilan bo’lib o’tgan suhbat chog’ida ta'lim va tabiya sohasiga Prezidentimiz tomonidan berilayotgan e'tibor haqida gapirildi va bu e'tibordan bugungi yoshlar samarali foydalanishlari lozimligi ta'kidlandi. Hisob darsidan bir soat saboq bergan tuman hokimining o’ziga xos metodikasi o’quvchilarda yaxshi taassurot qoldirdi.
Aytish lozimki, bugun hududning 19-sonli umumiy o’rta ta'lim maktabida rekonstruktsiya va 24-sonli maktabda ta'mirlash ishlari olib borilyapti. Mazkur maktablar o’quvchilarining bir qismi ayni kunda 27-sonli maktabda tahsil olishayotir va 24-sonli maktab direktori Avavzjon Olimovning so’zlariga ko’ra, boshqa maktablardan kelib tahsil olayotgan o’quvchilarga mazkur muassasada barcha sharoitlar yaratib berilgan.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
