1. Bosh sahifa
2. Yangiliklar

"AYOL TARBIYA VA ODOB TIMSOLI" MAVZUSIDA DAVRA SUHBATI TASHKIL ETILDI

×

"Ayol tarbiya va odob timsoli" mavzusida davra suhbati tashkil etildi

Jamiyatda ayollar, xotin-qizlar mavqeini mustahkamlash, ular tomonidan jamoat ishlarida faollik ko’rsatishni rag’batlantirish yuzasidan olib borilayotgan ishlar e'tirofga loyiq. Ayol jamiyatda buyuk davlat arbobi, boringki davlat rahbari bo’lishi mumkin, biroq ayollar bizning ongu shuurimizda ibo, hayo, iffat, go’zallik timsoli bo’lib qolaveradi.

So’x tumani IIB JXX HPB HQMB katta inspektori podpolkovnik Shahnoza Shodmonova sa'y-harakati bilan tuman pedagogika kollejida "Ayol tarbiya va odob timsoli" mavzusida davra suhbati tashkil etilib, o’tkazildi. Davra suhbatda qatnashgan barcha ishtirokchilarga tadbirning mazmun va mohiyati tushuntirildi.

So’ng  tadbir davomida jamiyatda xotin-qizlarni huquqiy ongi va huquqiy madaniyatini oshirish yuzasidan “O’z huquqingizni bilasizmi?”, “Biz zo’ravonlikka qarshimiz”, “Oila ajrimiga qarshi birgalikda kurashamiz”, “Siz qonun himoyasidasiz”, “Ayol-e'zozda”, mavzularidagi bukletlar tarqatilib, mamlakatimizda xotin-qizlarning huquq va qonuniy manfaatlarini himoya qilish, ularning iqtisodiy , ijtimoiy va siyosiy faolligini oshirish, sog’ligini saqlash, kasbga o’qitish va bandligini ta'minlash, tadbirkorlikka kengjalb qilish, extiyojmand xotin-qizlarni ijtimoiy qo’llab-quvvatlash, gender tenglikni ta'minlash borasidan olib borilayotgan islohotlar hamda hukumatimiz tomonidan chiqarilayotgan Qonun, qaror va farmoyishlarning mazmun-mohiyatlari tushuntirildi. Mustahkam hamkorlikda tashkil etilayotgan ushbu yo’nalishdagi tadbirlar davom ettirilmoqda.

                  So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram