1. Bosh sahifa
2. Yangiliklar

SO’X TUMANIDA MIR ALISHER NAVOIY TAVALLUDINING 582 YILLIGI NISHONLANDI

×

So’x tumanida Mir Alisher Navoiy tavalludining 582 yilligi nishonlandi

Sharq qadim-qadimdan adabiyot, madaniyat, san'atning buyuk beshigi bo’lgan. Bugun o’zbek adabiyotining ulug’ mutafakkir shoiri, davlat va jamoat arbobi Alisher Navoiy tavalludining 582 yilligi So’x tumanida ham keng nishonlanmoqda.

So’x tumanidagi harbiy qismlarning birida o’tkazilgan tantanali tadbirda ishtirok etgan tuman hokimligi vakillari so’zga chiqib, Alisher Navoiyning o’zbek adabiyotiga qo’shgan ulkan hissasi, zullisonayn shoir sifatida turkiy va forsiy zabonda ijod etgan buyuk mutafakkiring ijod mahsuli bugungi kunda ham o’z qiymatini saqlanib kelayotgani, bugungi yosh avlod ayni Navoiy orzu qilib o’tgan davronlarda yashayotganini ta'kidadilar. Darhaqiqat, Alisher Navoiy xalqimizning kamoloti sari eng yuksak insoniy marralar tomon chorlab kelgan ulug’ mutafakkir sifatida e'tirof etiladi.

Ulug’ so’z san'atkori Hazrat Navoiy yaratgan durdona asarlar bugun xalqimizning ijodiy mulkiga aylanib, ma'naviyatimizni yuksaltirish, yoshlarni barkamol ruhda tarbiyalashga xizmat qilib kelmoqda. Tadbir yosh san'at g’unchalari va san'atkorlarning chiqishlari bilan yanada fayzli o’tdi.

                  So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram