O’QUVCHILAR TA'MIRDAN CHIQGAN SINFXONALARDA TAHSIL OLISHMOQDA
2023-02-07 08:12:38 143
O’quvchilar ta'mirdan chiqgan sinfxonalarda tahsil olishmoqda
Barchamizga ma'lumki, anomal sovuq davrida tumanimizning G’aznov mahallasida joylashgan 21-sonli umumiy o’rta ta'lim maktabi isitish tizimi yaroqsiz holga kelib qolib, ushbu muammoni bartaraf etish maqsadida mazkur ta'lim dargohida tuman hokimi tashabbusi bilan hashar tashkil etilib, bir hafta davomida maktabdagi isitish tizimi yangi va zamonaviy uskunalar bilan almashtirildi. Shuningdek, maktab o’quv binosining asosan ikkinchi qavatida ta'mirlash ishlari olib borildi.
Bugun tuman hokimi mazkur ta'lim muassasasida bo’lib, maktab pedagogik jamoasi bilan uchrashdi. Yangilangan isitish tizimi ko’zdan kechirildi va uning ishlashi o’rganildi.
Yangi ta'mirlangan sinfxonalarda maktab talabalari bilan suhbat tashkil etilib, maktab o’quvchilarining bilim darajasi imtihondan o’tkazildi. Aytish lozimki, berilgan e'tibordan barcha maktab jamoasi va asosan o’quvchilar mamnun va minnatdor.
Maktab sinfxonalarining aksariyati ta'mirdan chiqarilib, isitish tizimidan tashqari, sinfxonalarning jihoziga ham katta e'tibor qaratildi. Kabinetlarning pol qismi yangilanib, yangi linoleumlar yotqizildi, barcha sinfxonalar va koridor zamonaviy va milliy ruhda jihozlandi.
Maktab pedagogik jamoasi bilan bo’lib o’tgan suhbat chog’ida davlatimiz rahbari tomonidan ta'lim sohasiga berilayotgan e'tibor haqida gapirildi. Eslatib o’tamiz, mazkur maktab 2023 yilgi ta'mirlash dasturiga kiritilgan va mazkur maktab uchun qo’shimcha bino qurish masalasi ham yuqori tashkilotlarga yetkazilgan.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
