SEKTORNING FAOL VA ENG PESHQADAM VOLEYBOLCHILARI ANIQLANDI
2023-02-06 19:41:13 109
Sektorning faol va eng peshqadam voleybolchilari aniqlandi
Yoshlarning bo’sh vaqtini mazmunli tashkil etish va ularni sport musobaqalariga keng jalb etish maqsadida tumanimiz miqyosida mahallalardagi yoshlar yetakchilari tashabbusi bilan turli sport tadbirlari tashkil etilib o’tkazilmoqda. Lenbur mahalla fuqarolar yig’inda bo’lib o’tgan sport tadbiri ham tumanimizning barcha yosh voleybolchilarini birlashtirdi.
Mahallaning 18-sonli umumiy o’rta ta'lim maktabining sport majmuasida bo’lib o’tgan musobaqalarda sektor miqyosidagi mahalallardan tashkil topgan 16 ta jamoa g’oliblik uchun maydonga chiqdilar. Lenbur mahallasi yoshlar yetakchisi Shohboz Obidzodaning bizga bergan ma'lumotiga ko’ra, musobaqalarda ishtirok etgan yoshlarning barchasi g’oliblikka loyiq edi.
Musobaqalar natijasida birinchi o’rin Lenbur mahallasining “Xolboyev” jamoasiga nasib etdi. Ikkinchi o’rinni “Sohibkor” jamoasi, uchinchi o’rinni esa, “Lenbur” jamoasi egalladi. Musobaqalarda ishtirok etgan eng yaxshi mehmon jamoa “Demursad” mahallasi yoshlariga ham to’rtinchi o’rin nasib etdi.
G’oliblikni qo’lga kiritgan jamoalarga qimmatbaho sovg’a va diplomlar taqdim etildi. Bunday sport musobaqalari sektor miqyosida muntazam tashkil etiladi.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
