1. Бош сахифа
2. Янгиликлар

ФАВҚУЛОДДА ВАЗИЯТЛАРНИ ОЛДИНИ ОЛИШГА ҚАРАТИЛГАН ПРОФИЛАКТИК ТАДБИРЛАР ЎТКАЗИЛМОҚДА

×

Фавқулодда вазиятларни олдини олишга қаратилган профилактик тадбирлар ўтказилмоқда

        Сўх туманида 2023 йил қиш мавсумини беталофат ўтказиш, юзага келиши мумкин бўлган фавқулодда вазиятларни олдини олиш бўйича туманда тузилган штаб ишчи гуруҳи аъзолари билан ҳамкорликда туман фавқулодда вазиятлар бўлимининг навбатчиликдан ташқари шахсий таркиби томонидан 164 та якка тартибдаги турар-жойлар, 387 нафар фуқаролар билан ёнғин хавфсизлиги қоидалари талаблари мавзусида йўриқномалар ўтказилди. Соҳибкор маҳалла фуқаролар йиғинида бўлиб ўтган тадбирда кенг жамоатчилик иштирок этди.

        Ўтказилган ўрганишлар жараёнида  Тул маҳалла фуқаролар йиғини “Боғистон” кўчасида 2 та, “Сохибкор” маҳалла фуқаролар йиғини “Кўчаи калон” кўчасида 3 та, Қақир маҳалла фуқаролар йиғини “Себеда” кўчасида 2 та, жами 7 та носоз дудбуронлар, Тул маҳалласи “Боғистон” кўчасида 1 та, Сохибкор маҳалласи “Кўчаи калон” кўчасида 2 та, Қақир маҳалласи “Себеда” кўчасида 3 та, жами 6 та ностандарт иситиш печлар ҳамда 12 та бошқа, жами 25 та камчиликлар аниқланиб, барчасини бартараф этилиши таъминланди.

        Сохибкор маҳалла фуқаролар йиғинида ўтказилган тадбир давомида ҳудуддаги 24-сонли умумтаълим мактаби ўқитувчи ва ишчиларига, Тул, Сохибкор ва Қаълача маҳаллалари ҳудудидаги фуқаролар ўртасида спорт тадбири давомида фуқароларга ёнғин, чақнаш ва ис газидан хамда ботулизимдан заҳарланишни олдини олиш, ҳозирги кунда шифокорлар томонидан тавсия этилмаган дори воситаларини қабул қилмасликлари тўғрисида тарғибот ва тушунтириш ишлари олиб борилди.

        Бундан ташқари, туман “Сўх савдо комплекси”да ўрнатилган “Янги йил” арчаси атрофида ташкил этилган савдо ярмаркаси нуқталарининг ёнғин хавфсизлигини таъминлаш ва фавқулодда ҳодисаларни олдини олиш мақсадида 1 та ёнғин-қутқарув автоэкипажларнинг 5 нафар шахсий таркиби билан навбатчилиги ташкил этилди.

                  Сўх тумани ҳокимлиги Ахборот хизмати

Бизни ижтимоий тармоқларда кузатинг
Facebook | Telegram | Telegram murojaat | Youtube | Instagram