1. Bosh sahifa
2. Yangiliklar

“KEKSALAR HAFTALIGI” DOIRASIDAGI TADBIR NURONYILAR KAYFIYATIGA KO’TARINKILIK HADYA ETDI

×

O’zbekiston Respublikasi Vazirlar Mahkamasining 2019 yil 27 sentyabr kungi 816-sonli qarori bilan oktyabr oyining birinchi haftasi "Keksalar haftaligi" etib belgilangan. Mazkur haftalik doirasida So’x tumanida ham keng ko’lamli ishlar olib borilib, turli ma'nafiy-ma'rifiy tadbirlar, uchrashuvlar, va davra suhbatlari tashkil etilib o’tkazildi.

Bugun to’rtinchi sektor hududidagi mahalla fuqarolar yig’inlari tomonidan “Niso” dam olish maskanida mazkur hudud mahallalaridagi keksa va nuroniy otaxonlar ishtirokida bir piyola choy ustida tadbir o’tkazildi. Tadbirda tuman hokimligi vakillari ham ishtirok etdi.

Tadbirda so’z olgan “Mahalla” xayriya jamoat fondi raisi Rasuljon Mirsaidov o’z so’zida barcha nuroniylarni tabrikladi va ularga  berilayotgan e'tibor va g’amxurliklarga to’xtalib, tumanimizda bo’layotgan o’zgarishlar, bunyodkorlik ishlari to’g’risida gapirdi. Nuroniylarning hayot yo’li bugungi yoshlar uchun ibrat maktabi ekanligi ta'kidlandi.   

Shuningdek, tadbirda iitirok etgan nuroniylar ham so’zlashdi. Nuroniy otaxonlar Sadulayev N, Abdiyev B, Akbarov D. Va Suyunboyev M. lar o’z so’zlarida nuroniylarga bo’layotgan e'tibor, Prezidentimiz tomonidan olib borilayotgan bunyodkorlik ishlari, “inson qadri uchun” degan tamoyilning amaliy isboti haqida gapirishdi va davlatimiz rahbarining siyosatlaridan mamnun ekanliklarini minnatdorlik va shukronalik so’zlari bilan bayon etishdi. Tadbirda san'atkorlar o’z ko’y-qo’shiqlari bilan tadbir ishtirokichlarini xushnud etdilar.

                  So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram