JOYLARDA HOKIM YORDAMCHILARINING HISOBOTI BO’LIB O’TMOQDA
2022-09-28 15:18:12 149
Aytish lozimki, Respublikamiz hududlarida davlatimiz rahbari tashabbusi bilan tashkil etilgan hokim yordamchisi vazifasi mazkur soha mutasaddilari zimmasiga katta mas'uliyat yuklaydi va salkam 10 oy davomida faoliyat olib borayotgan hokim yordamchilari uchun bugun “g’alvirni suvdan olish” payti keldi. Shuning uchun, tumanimizning barcha mahallalarida hududlarga biriktirilgan hokim yordamchilarining hisobotlari bo’lib o’tayotir.
Navobod mahallasida bo’lib o’tgan hisobot tadbirida mahalla ahli ishtirok etdilar. Tadbir mahallaning 26-sonli umumiy o’rta ta'lim maktabida bo’lib o’tdi. Mazkur mahallaga hokim yordamchisi etib tayinlangan Ma'murjon Bobomirhisenov mahalla ahliga o’zining 8 oy davomida olib borgan faoliyati yuzasidan hisobot berdi. Aholini ish bilan ta'minlash, kambag’allikni qisqartirish maqsadida olib borilgan hokim yordamchisi ishlari tahlil etildi.
Navobod mahalla fuqarolar yig’inida jami xonadon soni 732 ta bo’lib, oilalar soni 1 282 tanish tashkil etadi va mahallada 4 349 nafar aholi istiqomat qiladi. Mahalladagi ishsizlar soni 213 nafarni tashkil qiladi.
Hokim yordamchisi o’z hisobotida mahalla ahliga qilingan ishlar va kelgusidagi rejalari haqida aniq va to’liq ma'lumot berdi. Mahallaning “o’sish nuqtasi” dehqonchilik va sanoat bo’lgani bois, ushbu sohalarni rivojlantirish bo’yicha perspektiv rejalar tuzilgani va ushbu rejalarni ijro etishda hamkorlik qilish va birdamlikda faoliyat olib borish bo’yicha chora-tadbirlar belgilandi.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
