1. Bosh sahifa
2. Yangiliklar

SO’X TUMANIDA HAM BO’LG’USI TALABALAR UCHUN TEST IMTIHONI TOPSHIRISH JARAYONLARI DAVOM ETMOQDA

×

So’x tumani hokimligi Axborot xizmati

      So’x tumani yoshlariga berilayotgan e'tibor samarasi o’laroq, mana uch yildirki, Respublikamiz oliy ta'lim muassasalariga kirish uchun hujjat topshirgan abituriyentlar tumanimizning o’zida imtihon topshirishmoqda. Bugun ham, jarayonlarning uchinchi kunida, ertalab, soat 6-00 dan tuman “Sug’diyona” sport majmuasining hovlisi odam bilan to’la. Ko’zlarida “oliy ta'lim maktabi talabasi bo’laman” degan orzu chaqnab turgan yosh yigit-qizlar qator bo’lib, navbat kutishmoqda. 

Ertalabki soat 7-15. Ayni shu belgilangan vaqtdan boshlab, butun Respublikamida bo’lgani kabi So’xlik abituriyentlar uchun ham test imtihonlari topshirish jarayonlari davom etmoqda.

O’rnatilgan tartibda har bir abituriyent tekshiruvdan o’tkazilib, maydon uzra terilgan stollardan joy egallashdi. Test topshirish jarayonlari boshlandi. Test imtihonlari topshirilishida adolat va shaffoflikni ta'minlash maqsadida imtihon bo’layotgan hududga “O’ztelekom” Farg’ona viloyati hududidiy boshqarmasi xodimlari tomonidan 15 ta ko’zatuv kameralari o’rnatilgan. Test imtihonlarini topshirish jarayonlari bevosita So’x tumanida bo’lib o’tayotgani ham So’xlik talabalarga berilgan katta imkoniyatdan nishona. 

Bugun ham ikki smenada test topshirish jarayonlari bo’lib o’tadi. Birinchi smenada 360 nafar abituriyentlar imtihon topshirishadi.

                  So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram