Туман ҳокими мактаб битирувчилари билан учрашди
2022-06-30 18:05:01 87
Туман ҳокими мактаб битирувчилари билан учрашди
Айни кунда Республикамиз бўйлаб мактаб битирувчилари ва ҳокимларнинг учрашуви бўлиб ўтмоқда. 16-сонли умумий ўрта таълим мактабида ташкил этилган учрашувда туман ҳокими Сайидбаҳром Сайидмусаев мактаб битирувчилари билан учрашиб, Президентимиз томонидан таълим соҳасига берилаётган эътибор, таълим соҳасини тубдан такомиллаштиришга қаратилган ислоҳотлар ҳақида гапирди. Туман ҳокими ва битирувчилар учрашуви ҳам айни шу эътибор доирасида амалга оширилаётгани ҳам таъкидланди.
Айтиш лозим, Умбара маҳалласидаги 16-соели УЎТ мактаби ўқувчилари 2021-2022 ўқув йилини янгидан мукаммал таъмирланган мактабда бошлаган эдилар. Бевосита вилоят ҳокими Х. Ҳ. Бозоров кумаги билан мактабни мукаммал таъмирлаш ишларига салкам 1 миллиард сўм маблағ йўналтирилди ва таълим даргоҳида илм ва касб чиққиларини забт этиш бўйича барча шарт-шароитлар замонавий тарзда яратиб берилган.
Шунингдек, мактабда замонавий спорт майдончаси йўқлиги боис, ушбу муаммо ҳам вилоят ҳокими ташаббуси билан ҳал этилди. Мактаб ҳудудига янги ва замонавий сунъий қопламадаги спорт майдончаси барпо этилди.
Туман ҳокими бевосита ҳар бир нафар битирувчилар билан алоҳида сўҳбатлашиб, уларнинг қизиқишлари ва хоббилари билан қизиқди ва айни олий мактабларга кириш имтиҳонларига тайёргарлик кўришда алоҳида эътибор билан ишлашни тавсия этди.
- Ота-оналарингиз ушбу кунларда, яъни олий мактабга кириш муддати давомида Сизларни бошқа ишларга жалб этмасликларни истардим. Чунки Сизлар бўлажак имтиҳон ва тест синовларига алоҳида тайёргарлки кўришларингиз лозим. Ҳар бирингизнинг миянгизда "Мен албатта олий мактаб талабаси бўламан" деган шоир чарх ўриши керак, - деди туман ҳокими учрашув давомида.
Тадбир жараёнида мактаб директори ва ўқувчилар бевосита яратиб берилган шароитларга нисбатан самимий миннатдорчилик билдириб, берилаётган барча эътиборга жавобан ўқиш, ўрганиш ва албатта Ватан корига ярайдиган фарзандлар бўлиб етишларини ваъда бердилар.
Президентимизнинг Фарғона вилояти фаоллари билан бўлиб ўтган учрашувларида Сўх тумани ҳокими бу йили ҳам Сўх тумани битирувчиларига квота бериш таклифини беришган. Албатта, бу таклиф ҳам давлатимиз раҳбари томонидан маъқуланса, Сўхлки талабаларга яна бир катта имконият эшигини очади.
Бироқ, барча мактаб талабаси ва битирувчилар ўз кучи ва билимига таяниб, ўрганишлари ва изланишлари лозим бўлади. Зотан, "Интилганга толе ёр" деб бежиз айтишмаган доно халқимиз.
Учрашув давомида битирувчиларнинг ота-оналари ҳам сўз олиб, берилаётган имкониятлардан самарали фойдаланиб, фарзандларини ватанпарварлик рўҳида тарбиялаб вояга етказишга ваъда бердилар.
Сўх тумани ҳокимлиги Ахборот хизмати
