“СУҒДИЁНА” - БАЙРАМГА СОВҒА
2022-03-15 11:57:59 54
“СУҒДИЁНА” - БАЙРАМГА СОВҒА
Туманимизда спорт соҳаси ривожига берилаётган эътибор замирида ҳудудларда янги ва замонавий мажмуа ва комплекслар қурилиши ва бу билан соҳага ёшларни жалб этишдек эзгу мақсадлар мужассам. "Суғдиёна" спорт мажмуасида айни шундай эътибор туфайли улкан бунёдкорлик ва қурилиш ишлари амалга оширилди.
Туманимизнинг марказий ўйингоҳи бугун ўзгача сиймо ва чирой касб этган. Эски ўйингоҳ ўрнида замонавий спорт комплекси пайдо бўлди.
Сўх тумани ҳокимининг ўринбосари Содиқжон Мурзоевнинг сўзларига кўра, мазкур ўйингоҳнинг фойдаланишга топширилиши халқимизга, айниқса ёшларга ҳақиқий Наврўз совғаси бўлади. Айни кунда мажмуада охирги фойдаланишга топширишга қаратилган ишлар амалга оширилмоқда.
Туманимиз марказидаги спорт мактабни реконструкция қилиш ишлари "Барака файз" МЧЖ томонидан амалга оширилиб, қурилиш ва реконструкция ишларига 2 миллиард 546 миллион сўм маблағ йўналтирилган.
Сўх тумани ҳокимлиги Ахборот хизмати
