1. Bosh sahifa
2. Yangiliklar

SAXOVATPESHA TADBIRKOR XAYRIYASI

×

     Mohiramazon oyi insoniylikka xos bo’lgan eng xayrli fazilat – saxovat amallari keng quloch yoyadigan oydir. Ayni shu oyda saxovatpesha insonlarning xayrixohlik fazilati namoyon bo’ladi. “Savob ishni har kim, har kuni qilishi kerak” degan maqol ham bejizga aytilmagani aynan shu kunlarda o’z isbotini topmoqda.

        - Mahallamizda koronavirus pandemiyasi davrida ham saxovatpesha insonlar ko’magida yuzlab Vatandoshlarimiz ko’ngliga yo’l topa bildik. Xususan, kam ta'minlangan, ijtmoiy ko’makka muhtoj, serfarzand oilalar holidan xabar olib, ularga moddiy va ma'naviy ko’mak berish biz uchun ham qarz, ham farz hisoblanadi, - deydi Hazrati Ali mahalla fuqarolar yig’ini raisi, tuman Kengashi deputati Subhonali Nishonov.

     Ayni ro’zai Ramazon arafasida mahallaning saxovatpesha yoshlaridan, “Mehr-saxovat” ko’krak nishoni sohibi Valijon Tuychiyev tashabbusi bilan “Saxovat va ko’mak” umumxalq harakati doirasida xayrli aktsiya tashkil etildi. Tadbirkor tomonidan berilgan un mahsulotlari tumanimizning Mulgon, Yangiariq, Oftobru,Saribozorcha,Sarikanda va Hazrati Ali mahallalarida yashovchi 70 nafar kamta'minlangan, boquvchisini yo’qotgan oilalarga deputatlar va mahalla fa'ollari ishtirokida manzilli tarqatildi va ushbu oilalar holidan xabar olindi.

                  So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram