1. Bosh sahifa
2. Yangiliklar

“SAYYOR AMBULATORIYA” CHEKKA HUDUDLARDA

×

     Tumanimizda Prezidentimizning 6110-sonli Farmonini ijro etish va tibbiyot sohasida amalga oshirilayotgan islohotlarni amalda tatbiq etish bo’yicha tizimli ishlar olib borilmoqda. Aytish lozimki, chekka hududlarda istiqomat qiladigan aholi holidan xabar olish, ularga sifatli va malakali tibbiy xizmat ko’rsatish bo’yicha tuman tibbiyot birlashmasi tomonidan ezgu tashabbuslar amalga oshirilmoqda.

        So’x tumani tibbiyot birlashmasi rahbariyati tashabbusi bilan tashkil etilgan “sayyor ambulatoriya” bugun tumanimizning chekka hududida joylashgan mahalla – Sharqobod mahalla fuqarolar yig’iniga tashrif buyurdi. – Bunday chekka hududlarga tashrif buyurishdan asosiy maqsad – aholi, ayniqsa, keksa otaxon-onaxonlar, nogironligi bor vatandoshlarimiz va tibbiy muassasalarga bora olmaydigan fuqarolarni tibbiy ko’rikdan o’tkazish va ularga malakali xizmat ko’rsatishdan iborat. O’tgan hafta bir guruh shifokorlarimiz Malbut mahallasiga xizmat ko’rsatishgan edi, - deydi tuman tibbiyot birlashmasi bosh hakimi Ilhomjon Mallayev.

        Shuningdek, shifokorlar mahallada uyma uy yurib, bemorlarga va xastalik yostig’iga mixlanib qolgan fuqarolarga tibbiy xizmat ko’rsatishdi. Kardiolog, nevropatolog, ginekolog, terapevt, xirurg kabi mutaxassislar fuqarolarni tibbiy ko’rikdan o’tkazib, maslahatlar berishdi. Bundan tashqari, 20 nafardan ortiq fuqarolar UZI dastgohi tekshiruvidan o’tkazilib, ularga mutaxassislar tomonidan davolanish bo’yicha tavsiyalar berildi.

                  So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat