23 январь санаси тарих саҳифаларида
2020-01-23 14:34:23 195
23 январь 1997 йил - Камолиддин Беҳзод номли Давлат мукофоти таъсис этилган кун
1997 йил 23 январь – “Ўзбекистон бадиий академиясини ташкил этиш тўғрисида”ги Фармон эълон қилинди. Ушбу фармонга кўра халқ ҳунармандчилиги, тасвирий ва амалий санъат соҳасидаги энг яхши асарлар учун Камолиддин Беҳзод номидаги Ўзбекистон Республикаси Давлат мукофоти таъсис этилди.
КАМОЛИДДИН БЕҲЗОД НОМИДАГИ ЎЗБЕКИСТОН РЕСПУБЛИКАСИ ДАВЛАТ МУКОФОТИ — адабиёт, санъат ва меъморлик соҳасидаги давлат мукофотларидан бири. 1997 йил 23 январда таъсис этилган. Шарқ уйғониш даври етук санъаткори, буюк миниатюрачи мусаввир Камолиддин Беҳзод номи билан юритилади. Мукофот тасвирий ва амалий санъат, халқ ҳунармандчилиги соҳасида яратилган, миллий истиқлол ғояларини ёрқин бадиий шаклларда акс эттирган, Ўзбекистоннинг буюк тарихини ва ҳозирги юксалиш жараёнларини ҳаққоний образлар орқали гавдалантирган ва кенг жамоатчилик томонидан тан олинган етук санъат асарлари учун берилади. Мукофотга сўнгги тўрт йил мобайнида яратилган, кўргазмага қўйилган ёки бошқа тарзда эълон қилинган монументал тасвирий санъат, меъморлик-бадиий таъмирлаш ва ҳайкалтарошлик асарлари кўриб чиқиш учун қабул қилинади. Мукофотга тақдим этиш тўғрисидаги қарорлар вазирликлар, давлат қўмиталари, ижодий уюшмалар, республика ва халқаро жамоат ташки- лотлари раҳбар органлари томонидан қабул қилинади. ЎзРнинг бошқа Давлат мукофотига илгари сазовор бўлган асарлар бу мукофотга тавсия этилмайди. Бир мукофотга талабгорлар сони 3 кишидан ошмаслиги лозим. Мукофотни ЎзР Президентининг фармони билан ҳар уч йилда бир марта Мустақиллик байрами арафасида бериш тартиби жорий қилинган. Мукофотнинг ҳар бири 80 та энг кам ойлик иш ҳақи миқдорида белгиланган. Мукофотга сазовор бўлган ижодкорларга тантанали вазиятда совриндорлик ёрлиғи ва фахрий нишон топширилади. Мукофот совриндорининг нишони кўкракнинг ўнг томонига тақилади. Мукофот такроран берилмайди.
23 январь 1997 йил - “Устa” бирлашмаси ташкил этилган кун
“Устa” - Республика махсус ижодий ишлаб чиқариш уюшмаси – республика халқ амалий санъати усталарининг бирлашмаси. 1978 йилда Ўзбекистон Бадиий фонди қошида амалий безак санъатини қайтадан тиклаш ва ривожлантириш, халқ усталари билан ишлаш, уларга ижодий ишларида ҳар тарафлама ёрдам бериш мақсадида ташкил қилинган. Ўзбекистонда тасвирий ва амалий санъатни янада ривожлантириш мақсадида 1997 йил 23 январда ҳозирги номида қайтадан тузилди. “Устa” таркибига республика ҳудудидаги 16 корхона бирлашган бўлиб, уларда
23 январь 2014 йил - 2014 йил 23-26 январ кунлари Тошкентда Турк киноси ҳафталиги бўлиб ўтди
23 январь 2014 йил - Тошкентда дўппилар кўргазмаси очилган кун
