1. Bosh sahifa
2. Yangiliklar

XALQ DEPUTATLARI SO’X TUMANI KENGASHI NAVBATDAGI SESSIYASI BO’LIB O’TDI

×

Xalq deputatlari So’x tumani Kengashi navbatdagi sessiyasi bo’lib o’tdi

Bugun tuman hokimligi majlislar zalida Xalq deputatlari So’x tumani Kengashining navbatdagi 93-sessiyasi bo’lib o’tdi.

Sessiyada Xalq deputatlari tuman Kengashi deputatlari, tumandagi sektor rahbarlari, korxona tashkilotlar rahbarlari va ommaviy axborot vositalari vakillari ishtirok etdilar.

Sessyai kun tartibidagi masala:

1. Xalq deputatlari Farg’ona viloyati Kengashiga saylov o’tkazish bo’yicha okrug saylov komissiyalari a'zoligiga nomzodlarni tavsiya etish to’g’risida.

Sessiya kun tartibidagi masala yuzasidan Xalq deputatlari So’x tuman Kengashining “Sud-huquq masalalari va korruptsiyaga qarshi kurashish bo’yicha” doimiy komissiyasi raisi Rasuljon Mirsaidov so’zga chiqib, sessiya ishtirokchilariga masala bo’yicha yetarli ma'lumot yetkazdi.

Notiq Xalq deputatlari Farg’ona viloyati Kengashiga saylov o’tkazish bo’yicha So’x  tumanidagi okrug saylov komissiyasi a'zoligiga fuqarolarning o’zini o’zi boshqarish organlari, jamoat birlashmalari, korxonalar, muassasalar va tashkilotlar tomonidan taklif etilgan nomzodlar haqida axborot berdi. So’x  tumanidagi okrug saylov komissiyasi 11 nafardan iborat bo’lib, a'zolar ro’yixati o’qib eshittirildi.

Sessiyada Xalq deputatlari Farg’ona viloyati Kengashiga saylov o’tkazish bo’yicha So’x  tumanidagi “43-So’x” okrug saylov komissiyasi  a'zoligiga nomzodlar ro’yxati ma'qullandi hamda Farg’ona viloyati hududiy saylov komissiyasiga tavsiya etildi.

Kun tartibiga qo’yilgan masalaga oid tegishli qaror qabul qilindi va shu bilan navbatdagi sessiya yakunlandi.

So’x tumani hokimligi Axborot xizmati

Bizni ijtimoiy tarmoqlarda kuzating
Facebook | Telegram | Telegram murojaat | Youtube | Instagram