QIZILQIYOQ MAHALLASINING ICHKI YO’LLARI ASFALTLASHTIRILMOQDA
2024-04-13 17:55:29 256
Qizilqiyoq mahallasining ichki yo’llari asfaltlashtirilmoqda
Mahallalar, ayniqsa, chekka hududlarni obodonlashtirish, ushbu hududlarda aholiga qulay turmush shart-sharoitlarni yaratib berish maqsadida mamlakatimizda turli dastur va loyihalar asosida amaliy ishlar qilinmoqda. Aytish lozimki, bu e'tibordan So’x tumani aholisi ham bahramand bo’lishayotir.
Prezidentimizning 25 noyabr 2020 yildagi 4898-sonli “Jahon Bankining Xalqaro taraqqiyot uyushmasi va Osiyo infratuzilmaviy investitsiyalar Banki ishtirokida «Qishloq infratuzilmasini rivojlantirish» loyihasini amalga oshirish chora-tadbirlari to’g’risida”gi qaroriga binoan So’x tumanida 9 ta loyiha amalga oshirilishi rejalashtirilgan. Ushbu loyihalar asosida mahallalar infratuzilmasini rivojlantirish uchun 4 219 517 ming AQSh dollari yo’naltirishi belgilangan.
Ayni kunda tumanimizning Qizilqiyoq mahalla fuqarolar yig’inida ushbu loyiha doirasida mahalla ichki ko’chalarini asfaltlashtirish ishlari olib borilmoqda. Tuman hokimi o’rinbosari Sodiqjon Murzoyevning ma'lumotiga ko’ra, mazkur mahallani asfaltlashtirilishi uchun 2 milliard 797 million so’m mablag’ yo’naltirilgan.
Eng asosiysi, ayni kunda tumanimizning eng chekka qishlog’i aholisi ham berilayotgan e'tibordan bahramand bo’lishayotir. Bu e'tibor va g’amxurlikdlardan esa, barcha mahalla fuqarolari mamnun va minnatdor.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
