TUMAN MARKAZIDAGI ROVON MAHALLASIDA NIMA GAPLAR?
2024-01-30 11:10:03 214
Tuman markazidagi Rovon mahallasida nima gaplar?
Ayni kunda Rovon mahallasida joylashgan 3-sonli maktabgacha ta'lim tashkilotida qurilish ishlari olib borilmoqda. Qurilish ishlarining sifati bevosita jamoatchilik tomonidan nazoratga olingan.
Mahalla yoshlar yetakchisi Tasvirjon Boboyevning so’zlariga ko’ra, mazkur maktabgacha ta'lim tashkilotini bugungi kun talablariga javob beruvchi darajada ta'mirlab ushbu muassasaga qatnovchi bolajonlarga kerakli sharoitlarni muhayyo qilish maqsadida ta'mirlash ishlari yil boshidan boshlangan.
Ma'lumot uchun: mazkur muassasa “Openbudget”ning 2023 yil 2-bosqichi g’olibi sanaladi. Mazkur qurilish ishlariga 1 milliard 320 million so’m mabalag’ yo’naltirilgan.
Shuningdek, mahalla hududida joylashgan korxona va tashkilotlarning tozaligi va ozodaligiga e'tibor berish maqsadida tuman hokimi Sayidbahrom Sayidmusayev tomonidan qat'iy ko’rsatmalar berilgan. Ayni kunda mahalla bilan hamkorlikda obodonlashtirish ishlari olib borilmoqda.
Mahalla hududida jinoyatchilik va huquqbuzarliklarning oldini olish maqsadida mahalla xodimlari ishtirokida jamoatchilik nazorati maskanini ta'mirlash ishlari ham olib borildi. Qisqa qilib aytganda, mahallada har bir yumush mahalla yettiligining mustahkam hamkorligi asosida olib borilayotir.
So’x tumani hokimligi Axborot xizmati
Bizni ijtimoiy tarmoqlarda kuzating
Facebook |
Telegram |
Telegram murojaat |
Youtube |
Instagram
